قازاقستاندىق دەلەگاتسيانى سىرتقى ىستەر ءمينيسترىنىڭ ورىنباسارى ەرجان اشىقباەۆ, ال پەرۋدىڭ دەلەگاتسياسىن سىرتقى ىستەر ءمينيسترىنىڭ ورىنباسارى نەستور پوپوليزيو باسقاردى.
كونسۋلتاتسيا بارىسىندا ساۋدا ەكونوميكالىق ارىپتەستىكتى نىعايتىپ, مادەني گۋمانيتارلىق بايلانىستاردى دامىتۋعا قادامدار جاساۋ ءۇشىن ەكىجاقتى ساياسي ديالوگتى ودان ءارى جانداندىرا تۇسۋگە نيەتتەس ەكەندىكتەرىن ءبىلدىردى.
ەكى جاق حالىقارالىق ماسەلەلەر بويىنشا پوزيتسيالارىمەن الماسىپ قانا قويماي, بۇۇ قاۋىپسىزدىك كەڭەسىنىڭ كۇن تارتىبىندەگى وزەكتى ماسەلەلەرى تالقىلاندى.
قازاقستاندىق ديپلومات قازاقستاننىڭ سىرتقى ىستەر ءمينيسترى قايرات ءابدىراحمانوۆ پەرۋدىڭ سىرتقى ىستەر مينيسترلىگىنىڭ باسشىسىنا كەلەسى جىلدىڭ قاڭتار ايىندا وتەتىن ورتالىق ازيا مەن اۋعانستاننىڭ بۇۇ قاۋىپسىزدىك كەڭەسىنىڭ مينيسترلىك پىكىرتالاسىنا جەكە شاقىرۋىن تابىس ەتتى.
ە. اشىقباەۆ, قازاقستان پەرۋمەن تىعىز ىنتىماقتاستىقتا بولۋعا, سونداي-اق كەڭەستەگى ورگانعا بىرلەسكەن مۇشەلىك كەزەڭىندە, بۇۇ قاۋىپسىزدىك كەڭەسىنىڭ كۇن تارتىبىندەگى بارلىق ماسەلەلەر بويىنشا جۇمىس ىستەۋگە دايىن ەكەنىن ايتتى.
كەلىسسوزدەر قورىتىندىسى بويىنشا, ەكى ەلدىڭ سىرتقى ساياسي ۆەدومستۆولارىنىڭ وكىلدەرى مەموراندۋمعا قول قويدى.
ە. اشىقباۆ وڭتۇستىك امەريكا ەلىنە ساپارىنىڭ سوڭىندا پەرۋ – PROMPERU ەكسپورت جانە ءتۋريزمدى دامىتۋ اگەنتتىگىنىڭ ديرەكتورىمەن كەزدەسىپ, ەكى ەل اراسىنداعى ىسكەرلىك بايلانىستاردى كەڭەيتۋ جانە ەكى جاقتى ساۋدا-ساتتىقتى ءارتاراپتاندىرۋ ماقساتىندا قازاقستاننىڭ باسىم ەكسپورتتىق ونىمدەرىنىڭ ءتىزىمىن بەردى.
