يسلانديا پارلامەنتى جانە ۇكىمەتى ۇيىمداستىرعان فورۋمدا بۇكىل دۇنيە جۇزىندەگى مەملەكەت جانە ۇكىمەت باسشىلارى, مينيستر, پارلامەنتشىلەر مەن قالا باسشىلارى لاۋازىمىنداعى ايەلدەر باس قوستى. شارا قازىرگى كەزدە ليتۆا پرەزيدەنتى د.گريباۋسكايتە توراعالىق ەتەتىن الەمدەگى ايەل كوشباسشىلار كەڭەسىنىڭ ىنتىماقتاستىعىمەن ءوتىپ وتىر.
رەيكياۆيكتەگى سامميت «ول ءبىزدىڭ قولىمىزدان كەلەدى!» ۇرانىمەن وتۋدە. شارا جاھاندىق قاتەرلەردى تالقىلاۋعا, تاجىريبە الماسۋعا, قازىرگى زامانداعى قابىلداناتىن شەشىمدەردە ايەلدەردىڭ ىقپالى مەن كەلەشەگى كورىنىس تاباتىن ساياسي ۇنقاتىسۋلارعا قاتىسۋعا مۇمكىندىك بەرەدى.
