ەلباسىنىڭ 2017 جىلعى 31 قاڭتارداعى قازاقستان حالقىنا جولداۋىندا مۇناي-گاز سالاسى ءۇشىن قويىلعان باستى مىندەت ەلىمىزدىڭ تۇراقتى ەكونوميكالىق ءوسىمىنىڭ ستراتەگيالىق ماڭىزدىلىعىن ساقتاۋ بولىپ تابىلادى, بۇل گەولوگيالىق بارلاۋعا ينۆەستيتسيا تارتۋ ەسەبىنەن شەشىلەتىن بولادى.
«ەنەرگەتيكا سالاسىندا اعىمداعى جىلدىڭ 10 ايداعى دامۋ سەرپىنى وڭ ناتيجە كورسەتۋدە. مىسالى, مۇناي ءوندىرۋ كولەمى 71,1 ملن توننانى قۇرادى, بۇل 2016 جىلدىڭ ۇقساس مەرزىمىنە قاراعاندا 11,4 پايىزعا كوبىرەك, قاشاعان – 6,5 ملن توننا, تەڭىز – 23,7 ملن توننا جانە قاراشىعاناق – 10,3 ملن توننا. ال گاز ءوندىرۋ كولەمى 43,5 ملرد تەكشە مەتردى قۇرادى, بۇل الدىڭعى جىلدىڭ ۇقساس مەرزىمىنە قاراعاندا 15,6 پايىزعا كوپ. مۇنايدى وڭدەۋ كولەمى 12,2 ملن توننانى قۇرادى, بۇل 2016 جىلدىڭ ءتيىستى مەرزىمىنە قاراعاندا 2,8 پايىزعا كوپ.
سۇيىتىلعان گاز ءوندىرىسىنىڭ كولەمى 2,4 ملن توننانى نەمەسە 2016 جىلدىڭ ۇقساس مەرزىمىندەگىدەن 11,6 پايىزعا ارتىق. الدىڭعى جىلدىڭ 10 ايىمەن سالىستىرعاندا ەكسپورتتىڭ كورسەتكىشتەرى, مۇناي بويىنشا 13,8 پايىزعا, (57,7 ملن ت), گاز بويىنشا 26,6 پايىزعا (13,8 ملرد م3) كوبىرەك. سونداي-اق وندىرىلگەن ەلەكتر ەنەرگياسى كولەمى 83,1 ملرد كۆتس قۇرادى, 2016 جىلدىڭ ۇقساس مەرزىمىنە قاراعاندا 9,8 پايىزعا ارتىق. جانە دە كومىردى ءوندىرۋ كولەمى 86,6 ملن توننانى قۇرادى, ول 2016 جىلدىڭ ۇقساس مەرزىمىنە قاراعاندا 11,6 پايىزعا ارتىق. ۋران ءوندىرۋ كولەمى 19,2 مىڭ توننانى قۇرادى, 2016 جىلدىڭ ۇقساس مەرزىمىنە قاراعاندا 5,5 پايىزعا تومەن», دەدى ق.بوزىمباەۆ.
سونىمەن قاتار ول 10 ايدا فينلياندياعا – 2,7 ميلليون توننا, جاپونياعا – 89,2 مىڭ توننا كومىر ەكسپورتتالعانىن تىلگە تيەك ەتتى.
بۇگىنگى كۇنى اي-92/93 بەنزين ماركاسىنىڭ قورى 193,8 مىڭ توننانى قۇراعان. «ايدىڭ باسىنان باستاپ قازاقستانعا 89 مىڭ توننا اي-92 بەنزينى رەسەيلىك ءموز-دەن يمپورتتالدى. بۇرىن حابارلانعانداي, پاۆلودار ءموز-ءى 26 قازاننان باستاپ جوسپارلى جوندەۋ جۇمىسىنان شىقتى. 30 قازاندا اي-92 بەنزينى وندىرىلە باستادى. 12 قاراشادا كاتاليزدىك كرەكينگ قوندىرعىسى ىسكە قوسىلدى, ياعني بەنزين ءوندىرۋ تاۋلىگىنە 2600 مىڭ توننادان 4200 تونناعا دەيىن ارتاتىن بولادى. ءپموز بەنزين بويىنشا ءوزىنىڭ جوسپارلى قۋاتىنا شىقتى», دەدى ول.
مينيستر ديزەل وتىنى ءوندىرىسىنىڭ تومەندەۋىن وتەۋ ءۇشىن قاراشا, جەلتوقسان ايلارىنا ديزەل وتىنىن 100 مىڭ توننا يمپورتتاۋ قاجەت ەكەنىن جانە ايدىڭ باسىنان باستاپ 67 مىڭ توننا يمپورتتالعانىن تىلگە تيەك ەتتى.
«اتىراۋ ءموز-دە باستاپقى جوسپارلانعان 96 مىڭ توننادان 120 مىڭ تونناعا دەيىن ديزەل وتىنى ءوندىرىسىن ۇلعايتۋ بويىنشا قوسىمشا مۇناي جۇكتەۋ جونىندە شەشىم قابىلداندى. رەسپۋبليكانىڭ بارلىق مۇناي بازالارىنداعى قالدىقتار بويىنشا تاۋلىك بويى مونيتورينگ, جۇرگىزىلىپ, يمپورت كولەمى بويىنشا جانە وسىعان بايلانىستى جەدەل تۇردە وتاندىق ءموز-دەن مۇناي ونىمدەرىن جونەلتۋ باعىتتارى بويىنشا ءتيىستى شەشىمدەر قابىلدانۋدا. اعىمداعى جىلعى 21 قاراشاداعى جاعداي بويىنشا ديزەل وتىنىنىڭ جالپى رەزەرۆى 159,5 مىڭ توننانى قۇرايدى. بۇل ورتا ەسەپپەن 16 كۇنگە جەتەدى», دەدى ق.بوزىمباەۆ.
راۋان قايدار,
«ەگەمەن قازاقستان»
