سونىڭ اياسىندا بەس مۋزىكالىق سپەكتاكل كورسەتىلەدى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتى بارىسىندا مادەنيەت جانە سپورت ۆيتسە-ءمينيسترى اقتوتى رايىمقۇلوۆا, «Astana Musical» مۋزىكالىق تەاترىنىڭ كوركەمدىك جەتەكشىسى, «قازاقكونتسەرت» مەملەكەتتىك مەكەمەسىنىڭ باس ديرەكتورى, قازاقستاننىڭ ەڭبەك سىڭىرگەن قايراتكەرى اسحات ماەميروۆ, مەملەكەتتىك اكادەميالىق نەمىس دراما تەاترىنىڭ ديرەكتورى ناتاليا دۋبس تولىعىراق مالىمدەدى.
مادەنيەت جانە سپورت مينيسترلىگىنىڭ قولداۋىمەن «Astana Musical» تەاترىنىڭ, مەملەكەتتىك اكادەميالىق نەمىس دراما تەاترىنىڭ ارتىستەرى جانە «قازاقكونتسەرت» مەملەكەتتىك مەكەمەسىنىڭ ۇجىمى 2017 جىلدىڭ جەلتوقسانىندا ەۋروپا بويىنشا ۇلكەن تۋر وتكىزەدى. بۇل تۋردىڭ باعىتى بەرلين (گەرمانيا) – پاريج (فرانتسيا) – ۆەنا (اۋستريا) – بريۋسسەل (بەلگيا) – ماسكەۋ (رەسەي) سياقتى ءىرى مادەني استانالاردى قامتيدى.
ء«بىزدىڭ ارتىستەرىمىزدىڭ قويىلىمدارى ونەرىمىزدىڭ باسەكەگە قابىلەتتىلىگىن جانە الەمدىك مادەنيەت سالاسىنداعى ءبىزدىڭ اشىقتىعىمىزدى ايقىن كورسەتەدى. ەۋروپانىڭ بەس استاناسىندا « ۇلى دالا تەاترى» ەكسكۋرسياسى شەڭبەرىندە «Astana Musical» مۋزىكالىق تەاترى مەن رەسپۋبليكالىق نەمىس اكادەميالىق تەاترى قازاقستاندىق ونەردى زاماناۋي ۇلگىدە تانىستىرۋعا جانە الەمدىك تەاترلىق ۇدەرىستەرگە توتەپ بەرۋگە مۇمكىندىك بەرەدى», دەپ اتاپ ءوتتى مادەنيەت جانە سپورت ۆيتسە-ءمينيسترى اقتوتى رايىمقۇلوۆا.
نەمىس تەاترىنىڭ ترۋپپاسى ەۋروپالىق اۋديتورياعا مۇحتار اۋەزوۆتىڭ «قاراگوز» دراماسىنىڭ جاڭا, يننوۆاتسيالىق نۇسقاسىن ۇسىنادى.
ء«بىز ءۇشىن ەۋروپاداعى قويىلىم وتە ماڭىزدى. ال, اتالمىش تۋىندىعا بار ماحابباتىمىزدى, قيالىمىز بەن تالانتىمىزدى جۇمسادىق, سوندىقتان بۇل وتە ەرەكشە جانە ءبىر مەزگىلدە وتە بەدەلدى بولادى دەپ كۇتەمىز», دەدى مەملەكەتتىك اكادەميالىق نەمىس دراما تەاترىنىڭ ديرەكتورى ناتاليا دۋبس.
«Astana Musical» تەاترىنىڭ كوركەمدىك جەتەكشىسى اسحات ماەميروۆ ەۋروپا تۋرى 3 جەلتوقساندا بەرليندە باستالىپ, 14 جەلتوقسان كۇنى رەسەيدە اياقتالاتىنىن جەتكىزدى.
راۋان قايدار,
«ەگەمەن قازاقستان»
