سالتاناتتى شارادا اقكول اۋىلى ارداگەرلەر كەڭەسىنىڭ توراعاسى تۇرعىنباي تاجىبەكوۆ, № 14 تالاس كوللەدجىنىڭ ارداگەر ۇستازى قانجان ابديەۆ, اۋداندىق ىشكى ساياسات ءبولىمىنىڭ باس مامانى باقتيار تومەشباي, №14 تالاس كوللەدجىنىڭ ديرەكتورى ايمان تىلەۋكەەۆا جانە اقكول اۋىلدىق وكرۋگىنىڭ اكىمى اسقار قۋانىش رۋحاني ورتالىق جايلى جىلى لەبىزدەرىن ءبىلدىرىپ, اتالعان ورتالىقتىڭ ۇلتتىق قۇندىلىقتارىمىز بەن ەلىمىزدىڭ تاريحي مۇرالارىن جاستارعا ناسيحاتتاپ, وسى باعىتتا ستۋدەنتتەر مەن اۋىل تۇرعىندارىنا قاجەتتى اقپارات بەرەتىنىن جەتكىزدى. سونىمەن قاتار اۋىل تۇرعىندارى دا ەلباسى ماقالاسىنان تۋىندايتىن مىندەتتەر تۋرالى ءوز ويلارىن ورتاعا سالىپ, پىكىر ءبىلدىردى. «جالپى, قوعامنىڭ قاي سالاسىن بولسىن باتىستىق ولشەمدەرمەن قاراپ, وزىعىنان توزىعى كوپ شەتەلدىك قۇندىلىقتارعا ىرىق بەرگەندەي ەدىك. وسى جايتتى ەلباسى ءوزىنىڭ «بولاشاققا باعدار: رۋحاني جاڭعىرۋ» ماقالاسىندا وتە اسەرلى جەتكىزدى. «حح عاسىرداعى باتىستىق جاڭعىرۋ ۇلگىسىنىڭ بۇگىنگى زاماننىڭ بولمىسىنا ساي كەلمەۋىنىڭ سىرى نەدە؟ مەنىڭشە, باستى كەمشىلىگى – ولاردىڭ وزدەرىنە عانا ءتان قالىبى مەن تاجىريبەسىن باسقا حالىقتار مەن وركەنيەتتەردىڭ ەرەكشەلىكتەرىن ەسكەرمەي, بارىنە جاپپاي ەرىكسىز تاڭۋىندا. اجەپتاۋىر جاڭعىرعان قوعامنىڭ ءوزىنىڭ تامىرى تاريحىنىڭ تەرەڭىنەن باستاۋ الاتىن رۋحاني كودى بولادى. جاڭا تۇرپاتتى جاڭعىرۋدىڭ ەڭ باستى شارتى – سول ۇلتتىق كودىڭدى ساقتاي ءبىلۋ» دەپ اتاپ ءوتتى مەملەكەت باسشىسى. بىزدىڭشە, ەلباسى ايتقان سول ۇلتتىق كودتىڭ ءبىر كىلتى – ءبىلىم مەن عىلىمدا جاتقانداي. سوندىقتان بۇگىندە جاڭا اشىلعان رۋحاني دامىتۋ ورتالىعىندا ەلباسى ماقالاسىندا ايتىلعان ءبىلىم مەن عىلىم ناسيحاتتالاتىن بولادى», دەدى ءوز سوزىندە ايمان تىلەۋكەەۆا.
الداعى ۋاقىتتا جاڭا اشىلعان رۋحاني دامىتۋ ورتالىعىندا مەملەكەت باسشىسىنىڭ باعدارلامالىق ماقالاسىن نەگىزگە الىپ ءتۇرلى شارالار, كەشتەر, تاربيەلىك ءمانى جوعارى جيىندار ۇيىمداستىرىلاتىن بولادى.
حاميت ەسامان,
«ەگەمەن قازاقستان».
جامبىل وبلىسى
