اتاۋلى جىلدىڭ قۇرمەتىنە ەلشى رولف مافاەل وبلىستىق تاريحي-ولكەتانۋ مۋزەيىندە اعايىندى گريممدەردىڭ نەمىستىڭ كاسسەل قالاسىنداعى مۋزەيىنەن كورمە ۇيىمداستىردى. وندا ەرتەكشىلەردىڭ شىعارماشىلىعى, ءومىربايانى تۋرالى ماتەريالدار, شىعارمالارىنان سۋرەتتەر قويىلعان, ءحىح عاسىرداعى گريممدەر كىتابى كورسەتىلگەن. اتالعان كورمە وسىعان دەيىن رەسەيدە, قازاقستاننىڭ وسكەمەن, سەمەي قالالارىندا كورسەتىلگەن. كورمەنى ۇيىمداستىرۋعا نەمىستەردىڭ قوستاناي وبلىسىنداعى «ۆوزروجدەنيە» مادەني ورتالىعى دا اتسالىستى. ولار كورمەنى وبلىستاعى نەمىس ۇلتىنىڭ وكىلدەرى تۇراتىن تاران جانە قوستاناي اۋداندارىنان اكەلىنگەن جادىگەرلەرمەن تولىقتىردى. ولار كورمەنىڭ اشىلۋىمەن بىرگە الداعى كەلە جاتقان روجدەستۆو قۇرمەتىنە داستارحان جايىپ, نەمىس ۇلتىنىڭ ءداستۇرىن كورسەتتى.
«نەمىستەر روجدەستۆوعا جۇزبەدەن ءتۇرلى تاعامدار دايىندايدى. نەمىستەر ىشەتىن, 12 ءتۇرلى ءشوپ پەن جيدەكتەردەن جاسالاتىن شاراپتان كەلگەندەر اۋىز ءتيدى», دەيدى «ۆوزروجدەنيە» نەمىس مادەني رتالىعىنىڭ ءتورايىمى ەلەنا شيك.
اعايىندى گريممدەر كورمەسىن قوستانايلىقتار ءبىر اي بويى تاماشالايدى. كورمەنىڭ اشىلۋ سالتاناتىنان كەيىن ەلشى جۋرناليستەرگە ارناپ ءباسپاسوز ءماسليحاتىن وتكىزدى, وندا ەكى ەل اراسىنداعى قارىم-قاتىناس تۋرالى ايتىپ بەردى.
ء نازيرا جارىمبەت
«ەگەمەن قازاقستان»
قوستاناي
