حالىقارالىق دارەجەدەگى سپورت شەبەرى اتانعان قوس قازاق ۇلانىنىڭ سپورتشى رەتىندە ءوسۋ جولدارى, قالىپتاسۋ كەزەڭى, مۇزايدىنداعى جەتىستىكتەرى تۋرالى ءفيلمدى ءتۇسىرۋشى جاپونيا ۇلتتىق تەلەارناسىنىڭ رەجيسسەرى ۋنو سويچەرو ەلىمىزدە سپورت سالاسىنا كورسەتىلەتىن مەملەكەتتىك قامقورلىققا تاڭدانىسىن جاسىرمادى. ويتكەنى شورت-ترەك – ەڭ قىمبات سپورت تۇرلەرىنىڭ بىرىنەن سانالادى جانە اقىلى بولادى. ال قازاقستاندا بالالاردىڭ شورت-ترەكپەن تەگىن اينالىسۋىنا جاعداي جاسالعان.
شورت-ترەكتەن قازاقستان ۇلتتىق قۇراماسىنىڭ باس جاتتىقتىرۋشىسى مادىعالي قارسىبەكوۆ وڭتۇستىك كورەيانىڭ پحەنچحان قالاسىندا 2018 جىلدىڭ 9-25 اقپان ارالىعىندا وتەتىن ءحىىى قىسقى وليمپياداعا قاتىسۋ ءۇشىن 9 ليتسەنزياعا قول جەتكەنىن ايتادى. ەرلەر اراسىندا 500 مەترلىك ديستانتسياعا 3 ليتسەنزيا, 1500 مەترگە – 1 ليتسەنزيا بولسا, ايەلدەر قۇراماسى 500 مەترگە – 1, 1000 مەترگە – 2, 1500 مەترگە – 2 جولداما ۇتىپ العان.
شورت-ترەكتەن الداعى وليمپيادا قازاقستان نامىسىن ناقتى قاي سپورتشىلار قورعايتىنى 10 جەلتوقسان كۇنى سپورتتىڭ كونكيمەن سىرعاناۋ تۇرلەرى بويىنشا حالىقارالىق فەدەراتسياسى وتىرىسىندا جاريالانادى.
قازبەك قۇتتىمۇرات ۇلى,
«ەگەمەن قازاقستان».
ورال
