ونى مەملەكەتتىك قىزمەت جانە سىبايلاس جەمقورلىققا قارسى ءىس-قيمىل دەپارتامەنتى مەن جاستار ءىسى جونىندەگى وبلىستىق باسقارما ۇيىمداستىردى. وعان وبلىس ورتالىعىنداعى جوعارى وقۋ ورىندارىنىڭ, كوللەدجدەر ستۋدەنتتەرى قاتىستى. ا.بايتۇرسىنوۆ اتىنداعى ۋنيۆەرسيتەت الدىنداعى الاڭدا جاستار «100 ناقتى قادام» باعدارلاماسىن جۇزەگە اسىرۋدى مەڭزەپ, 100 سانىن جاساپ قاتارعا تۇردى. 100 سانىن ايشىقتاۋ ءۇشىن ستۋدەنتتەردى قر ءىىم اكادەمياسىنىڭ فورما كيگەن كۋرسانتتارى قولىنا شار ۇستاپ, قورشاپ تۇردى. وسى ءساتتى ءتۇسىرۋ ءۇشىن كۆادراكوپتەر ۇشىرىلعاندا ونىمەن بىرگە جاستار 100 شاردى دا اسپانعا جىبەردى.
ء«بىز سىبايلاس جەمقورلىقتى, كوررۋپتسيالىق قۇقىق بۇزۋشىلىقتى بارىنشا ازايتۋدى ماقسات ەتىپ, وعان كوپتىڭ, ونىڭ ىشىندە جاستاردىڭ كوڭىلىن اۋدارۋ ءۇشىن وسىنداي شارالاردى وتكىزىپ وتىرمىز. ءبىز بۇل اكتسيا سىبايلاس جەمقورلىق قۇبىلىسىن ازايتادى نەمەسە تۇبىرىنەن جويىپ جىبەرەدى دەمەيمىز, ءبىزدىڭ وتكىزىپ جۇرگەن بۇل شارالارىمىز مەملەكەتتىك اپپاراتتىڭ بەدەلىن, جاعىمدى اتىن كورسەتەدى» دەدى مەملەكەتتىك قىزمەت جانە سىبايلاس جەمقورلىققا قارسى ءىس-قيمىل دەپارتامەنتى باستىعىنىڭ ورىنباسارى ەرلان سالىقباەۆ.
دەپارتامەنت قىزمەتكەرلەرى مۇنداي اكتسياعا ستۋدەنتتەرمەن قاتار مەكتەپ وقۋشىلارىن تارتىپ وتىر. ويتكەنى سىبايلاس جەمقورلىققا توزبەۋگە, ول اردىڭ ءىسى ەكەنىنە جاس كەزدەن تاربيەلەۋ كەرەك دەپ بىلەدى.
ء نازيرا جارىمبەت
«ەگەمەن قازاقستان»
قوستاناي
