وندا ق. قوجامجاروۆ سىبايلاس جەمقورلىققا قارسى قىزمەت وفيتسەرلەرىنە مەملەكەت باسشىسى بەرگەن تاپسىرمالاردى جەتكىزدى. ء«بىزدىڭ مىندەت – قوعام ءومىرىنىڭ بارلىق سالالارىندا جەمقورلىقپەن ءتيىمدى كۇرەسۋدى قامتاماسىز ەتۋ», دەدى ق. قوجامجاروۆ.
سونداي-اق توراعا, سىبايلاس جەمقورلىققا قارسى قىزمەتتىڭ ءتيىمدى جۇمىس اتقارۋىنا قاجەتتى جاعدايى مەن قۇرالدارى بار ەكەنىن اتاپ ءوتتى. باسىم مىندەتتەرگە قىلمىستىق تىزبەكتىڭ بارلىق قۇرامىن, ياعني ورىنداۋشىدان ۇيىمداستىرۋشىعا دەيىن اشكەرەلەۋ قويىلدى. «ەلباسى سىبايلاس جەمقورلىققا قارسى قىزمەتكە جەمقورلىق كورىنىستەرىن كىم جاساسا دا, ونىمەن قاتال كۇرەسۋدى مىندەت ەتىپ قويدى», دەدى ول.
مەملەكەتتىڭ ەكونوميكالىق قاۋىپسىزدىگىن قامتاماسىز ەتۋگە ەرەكشە كوڭىل ءبولىندى. وسى باعىتتا ۇلتتىق بيۋروعا بيۋدجەت قاراجاتىنىڭ ماقساتتى جۇمسالۋىنا باقىلاۋدى كۇشەيتۋ تاپسىرىلدى. «مەملەكەتتىڭ ۇرلانعان قاراجاتىن تولىعىمەن ءوندىرۋدى قامتاماسىز ەتۋ كەرەك. ول ءۇشىن ايىپتى تۇلعالاردىڭ م ۇلىگىنە تىيىم سالۋ جانە شەتەلدەگى زاڭسىز اكتيۆتەرىن انىقتاۋ ماسەلەلەرى ماڭىزدى. مەملەكەت ەسەبىنەن زاڭسىز بايىعان بىردە-ءبىر تۇلعا, ۇرلانعان قاراجاتتى نە قازاقستاندا, نە شەتەلدە پايدالانۋعا مۇمكىندىگى بولماۋى ءتيىس», دەدى توراعا.
«ەگەمەن-اقپارات»
