ءىس-شارا بارىسىندا دەلەگاتسيالار باسشىلارى تمد كەڭىستىگىندەگى تۇراقتىلىق پەن قاۋىپسىزدىككە ءتونىپ تۇرعان قازىرگى قاۋىپ-قاتەرلەر تۇرعىسىنان ايماقتىق ءوزارا ءىس-قيمىلدىڭ وزەكتى ماسەلەلەرىن تالقىلادى. اتاپ ايتقاندا, اۋعانستانداعى احۋال مەن ورتالىق ازيا مەملەكەتتەرىنىڭ قاۋىپسىزدىگىن قامتاماسىز ەتۋ جونىندەگى شارالار, راديكالدىق ءدىني اعىمداردىڭ تارالۋىنا قارسى تۇرۋ, سونداي-اق ەپيدەميولوگيالىق قاۋىپسىزدىك سالاسىنداعى ءوزارا ءىس-قيمىل ماسەلەلەرى قارالدى.
بيىلعى 23 قاراشادا قازاقستان مەن رەسەي قاۋىپسىزدىك كەڭەستەرى اپپاراتتارى دەڭگەيىندەگى كەزەكتى ەكىجاقتى كونسۋلتاتسيالار اياسىندا ۆ.جۇماقانوۆ رەسەيلىك ارىپتەسى ن.پاترۋشەۆپەن كەلىسسوز وتكىزدى.
قازاقستان مەن رەسەيدەگى ۇلتارالىق ساياسات سالاسىن قوسا العاندا ەكىجاقتى قارىم-قاتىناستاردىڭ كەڭ اۋقىمدى باعىتتارى بويىنشا پىكىر الماسىلدى. سونداي-اق كونسۋلتاتسيالار بارىسىندا ەكولوگيالىق قاۋىپسىزدىك ماسەلەلەرى جانە ەكى ەل حالقىنىڭ دەنساۋلىعىن ساقتاۋ جونىندەگى شارالار قاراستىرىلدى.
