يماندىلىق وشاعىنىڭ قۇرىلىسى مامىر ايىندا «اۋىلىم – التىن بەسىگىم» اتتى باستاماشىل توپتىڭ ۇيىتقى بولۋىمەن قولعا الىنىپ, بار بولعانى 5 ايدىڭ مۇعدارىندا اياقتالىپتى. باستاماشى توپتىڭ مۇشەسى مۇحتار ەسقاليەۆ يگى ىسكە اۋىلدىڭ بارشا ازاماتتارى ۇلەس قوسقانىن, ستۋدەنتتەر مەن وقۋشىلار دا تاعىلىمدى شارادان تىس قالماعانىن ايتادى.
مەشىتتىڭ اشىلۋ سالتاناتىندا ءسوز العان ن.سابيليانوۆ ەكى مىڭعا جۋىق تۇرعىنى بار ايعىز اۋىلىندا حح عاسىردىڭ 80-جىلدارىنان بەرى مۇنداي عيماراتتار سالىنباعانىن, جاڭا نىساننىڭ تۇرعىزىلۋى اۋىل ومىرىنە تىڭ سەرپىلىس, جاڭا لەپ اكەلگەنىن اتاپ ءوتتى. «جاڭا مەشىت ەلىمىزدەگى بىرلىك پەن كەلىسىمدى ساقتاۋعا, جاستاردى تاربيەلەۋگە ءوز ۇلەسىن قوساتىنىنا سەنىمدىمىن. بۇل يگى شارا وسى اۋىل حالقىنىڭ ۇيىمشىلدىعىن, بەرەكە-بىرلىگىن جانە ءبىر-ءبىرىن قولداي بىلەتىندىگىن كورسەتتى», دەدى پارلامەنت ءماجىلىسىنىڭ دەپۋتاتى.
حالىقتى يماندىلىققا شاقىراتىن عيبادات ءۇيىنىڭ قۇرىلىس جۇمىستارىنىڭ باسى-قاسىندا بولعان وسى اۋىلدىڭ تۋمالارى, بۇگىندە تۋعان جەردەن جىراقتا جۇرگەن ومىرسەرىك نۇركەباەۆ پەن ەربول راحىمجانوۆ ساۋاپتى شارا وزدەرىنىڭ ءونىپ-وسكەن مەكەندەرىنە دەگەن ىقىلاس-پەيىلدەرىن ودان ءارى ارتتىرا تۇسكەنىن جەتكىزدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
اياگوز اۋدانى
