سونداي-اق, اعىمداعى جىلدىڭ قازان ايىنداعى كورسەتكىش بويىنشا نەگىزگى كاپيتالعا سالىنعان ينۆەستيتسيا كولەمى 374 907 ملن. تەڭگەگە جەتكەن. ينۆەستيتسيا سالىمدارىنىڭ باسىم بولىگى ونەركاسىپ سالاسىنا, كولىك جانە قويمالاۋ, سونداي-اق جىلجىمايتىن م ۇلىكپەن جاسالاتىن وپەراتسيالار سالاسىنا تيەسىلى. نەگىزگى ينۆەستيتسيالىق سالىمداردىڭ 57,3 پايىزىن شاعىن كاسىپورىندار جۇزەگە اسىرعان.
«رەسپۋبليكا بويىنشا تىركەلگەن زاڭدى تۇلعالاردىڭ 8,4 پايىزى ءبىزدىڭ وبلىسقا تيەسىلى. استانا جانە الماتى قالالارىنان كەيىنگى ورىندى الىپ وتىرمىز. وبلىستا زاڭدى تۇلعالاردىڭ ءجيى تىركەلەتىن قىزمەت ءتۇرى – ساۋدا سالاسى. ماسەلەن, بولشەك ساۋدانىڭ كولەمى بيىل 340 761 ملن. تەڭگەنى قۇرادى. ال كوتەرمە ساۋدانىڭ كورسەتكىشى 502 599 ملن. تەڭگەگە جەتكەن», - دەدى ايدار احمەتبەك ۇلى.
بۇدان بولەك, جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى بيىل 177 014 بىرلىكتى قۇراپ, بىلتىرعى جىلمەن سالىستىرعاندا 4,9 پايىزعا ارتقان. جالپى رەسپۋبليكا بويىنشا جۇمىس ىستەيتىن سۋبەكتىلەردىڭ 15,3 پايىزى وڭتۇستىك قازاقستان وبلىسىنا تيەسىلى. سونىمەن قاتار, بيىل وڭىردە شاعىن جانە ورتا كاسىپكەرلىكتەگى جۇمىسپەن قامتىلعانداردىڭ سانى 357 412 ادامعا جەتىپ وتىر.
ايتا كەتەتىنى, اعىمداعى 2017 جىلدىڭ قاڭتار-ماۋسىم ايلارىنداعى كورسەتكىش بويىنشا, شاعىن جانە ورتا كاسىپكەرلىكتەگى سۋبەكتىلەردىڭ ءونىم شىعارىلىمى 381 632 ملن. تەڭگەنى قۇراعان.
