«وسى جىلدىڭ ون ايىندا وڭىردەگى ونەركاسىپ كاسىپورىندارىمەن 683 808 ملن. تەڭگەنىڭ ءونىمى ءوندىرىلدى. سونىڭ ىشىندە كەن ءوندىرۋ ونەركاسىبى جانە كارەرلەردى قازۋ سالاسىمەن 146 056 ملن. تەڭگە, وڭدەۋ ونەركاسىبىندە 467 773 ملن. تەڭگە, ەلەكترمەن جابدىقتاۋ, گاز, بۋ بەرۋ جانە اۋانى باپتاۋدا 57 454 ملن. تەڭگە, سۋمەن جابدىقتاۋ; كارىز جۇيەسى, قالدىقتاردىڭ جينالۋىن جانە تاراتىلۋىن باقىلاۋ بويىنشا 12 524 ملن. تەڭگەنىڭ ءونىمى ءوندىرىلدى», - دەدى ا.ابىلدابەكوۆ.
بۇدان بولەك, سپيكەر اۋىل شارۋاشىلىعى جالپى ءونىمىنىڭ كولەمى 471 550 ملن. تەڭگەنى قۇراعانىن, بۇل وتكەن جىلمەن سالىستىرعاندا 2,4 پايىزعا ارتقانىن جانە مال شارۋاشىلىعى 3,4 پايىزعا ءوسىپ, 188 192 ملن. تەڭگەگە جەتكەنىن ايتىپ, وسى باعىتتا وبلىس رەسپۋبليكا كولەمىندەگى ۇلەسى بويىنشا 2-ءشى ورىندا ەكەنىن ايتتى.
دەپارتامەنت باسشىسىنىڭ مالىمەتىنشە, وبلىستا جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 1 قاراشاعا 177 014 بىرلىكتى قۇراعان. بۇل وتكەن جىلدىڭ ءتيىستى كەزەڭىمەن سالىستىرعاندا 4,9 پايىزعا جوعارى. ال, وسى شاعىن جانە ورتا كاسىپكەرلىكتە 357 412 ادام جۇمىسپەن قامتىلسا, تاۋارلار, قىزمەت كورسەتۋلەر بويىنشا 381 632 ملن. تەڭگەنىڭ ءونىمى شىعارىلعان.
