سونىمەن قاتار, اعىمداعى جىلدىڭ ءىى-توقسانىندا حالىقتىڭ ورتاشا ءبىر ايدا جان باسىنا شاققانداعى اتاۋلى تابىستارى 45 530 تەڭگەنى قۇراپ, وتكەن جىلعا قاراعاندا 4,3 پايىزعا وسكەن. «2017 جىلدىڭ ءىىى-توقسانى بويىنشا وبلىستا ىرىكتەمەگە تۇسكەن 3 393 ءۇي شارۋاشىلىعى زەرتتەلدى. ناتيجەسىندە, وبلىس بويىنشا جۇمىسسىزدار سانى 62,6 مىڭ ادامدى قۇراپ, 2016 جىلدىڭ ءتيىستى توقسانىمەن سالىستىرعاندا 0,6 مىڭ ادامعا كەمىگەن. وسىلايشا جۇمىسسىزدىق دەڭگەيى 5,3 پايىزدى قۇراپ وتىر», - دەدى وقو وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ستاتيستيكا دەپارتامەنتىنىڭ باستىعى ايدار ابىلدابەكوۆ.
وبلىستىق ستاتيستيكا دەپارتامەنتىنىڭ 10 ايداعى مالىمەتى بويىنشا, وڭىردە ينفلياتسيانىڭ دەڭگەيىن سيپاتتايتىن تۇتىنۋ باعالارىنىڭ يندەكسى 106,1% قۇراعان. بۇل ءوز كەزەگىندە وتكەن جىلعى ءتيىستى كەزەڭگە قاراعاندا 0,7 پايىزعا تومەن.
بۇدان بولەك, وبلىستا ازىق-ت ۇلىك تاۋارلارىنىڭ باعالارى مەن تاريفتەرى 4,3 پايىزعا, ال ازىق-ت ۇلىك ەمەس تاۋارلار 8,6 پايىزعا وسكەن. حالىققا كورسەتىلەتىن اقىلى قىزمەتتەر 5,8 پايىزعا قىمباتتاعان.
