"وسىدان 5-6 جىل بۇرىن كلۋبتى قابىلداپ العانىمىزدا, دوسىم سايان حاميتجانوۆپەن قانداي كوماندا قۇرامىز دەگەن تاقىرىپتى تالاي تالقىلادىق. اقىلداسىپ, الداعى جوسپارلاردى ايقىنداپ, ناقتى ماقسات قويدىق. بۇگىن ەڭبەگىمىزدىڭ نəتيجەسىن كورىپ, قۋانىپ تۇرمىن. كوماندا سەنىمىمىزدى اقتادى. بارلىقتارىڭىزدى كەزەكتى چەمپيوندىقپەن قۇتتىقتايمىن"-, دەپ باستادى ءىس-شارادا العاشقى ءسوزدى العان "استانا" پرەزيدەنتتىك كلۋبى قامقورشىلار كەڭەسىنىڭ توراعاسى, قر پارلامەنت سەناتىنىڭ دەپۋتاتى دارحان كəلەتاەۆ.
دارحان امان ۇلى كەلەسى جىلى "استانا-ارەنا" الاڭىنىڭ جانىنان كلۋبتىڭ ارنايى سپورت كەشەنىنىڭ قۇرىلىسى باستالاتىنىن ايتىپ فۋتبول جانكۇيەرلەرىن قۋانتىپ قويدى.
ماراپاتتاۋ راسىمىندە كەلەسى قۇتتىقتاۋ ءسوز "استانا" فۋتبول كلۋبىنىڭ باس مەنەدجەرى سايان حاميتجانوۆقا بەرىلدى. سايان جاقسىگەلدى ۇلى كلۋبقا جان-جاقتى قولداۋ ءبىلدىرىپ كەلە جاتقان Əدىلبەك جاقسىبەكوۆ, ومىرزاق شوكەەۆ جəنە دارحان كəلەتاەۆقا العىسىن ءبىلدىردى.
ء"بىزدىڭ كوماندا الدىنا قويعان ماقساتتارىن ورىنداپ شىقتى. بيىل ءتورتىنشى رەت قاتارىنان ەل چەمپيونى اتاندىق. ەۋروپا ليگاسىنىڭ توپتىق كەزەڭىندە ونەر كورسەتتىك. سونداي-اق, كوكتەمگى بولىگىنە دە شىعۋعا مۇمكىندىگىمىز بار. قازاقستاننىڭ نامىسىن حالىقارالىق ارەنادا ابىرويمەن قورعاپ ءجۇرمىز دەپ ايتا الامىن. فۋتبولشىلار مەن باپكەرلەرگە العىسىمدى بىلدىرەمىن. ماۋسىم بويى جەڭىسپەن قۋانتقاندارىڭىز ءۇشىن راحمەتىمدى ايتامىن, دەپ اعىنان جارىلدى كلۋب باسشىسى.
"استانا" فۋتبول كلۋبىنىڭ باس باپكەرى ستانيمير ستويلوۆ 2017 جىلعى قازاقستان چەمپيوناتىنىڭ ۇزدىك باپكەرى دەپ تانىلدى. كوماندانىڭ باس باپكەرى چەمپيوندىققا فۋتبولشىلارمەن قاتار, əر قىزمەتكەردىڭ ۇلەس قوسقانىن اتاپ ءوتتى.
فۋتبولشىلارعا چەمپيوندىق ماراپاتتى استانا قالاسىنىڭ əكىمى Əسەت يسەكەشەۆ, قازاقستان فۋتبول فەدەراتسياسىنىڭ, كəسىپقوي فۋتبول ليگاسىنىڭ باسشىلارى سەيىلدə بايشاقوۆ جانە ازامات ايتحوجين تابىستادى.
سونىمەن قاتار, مەرەكەلىك ءىس-شارادا ەل بىرىنشىلىگىندە چەمپيون بولعان "استانا-2005" جاسوسپىرىمدەر كومانداسى ماراپاتتالىپ, بىرنەشە نوميناتسيالار بويىنشا جىلدىڭ ۇزدىك ويىنشىلارى انىقتالدى.
"ۇزدىك ويىنشى" - دميتري شومكو
"ۇزدىك گول اۆتورى" - پاتريك تۆۋماسي
"ۇزدىك جاڭا ويىنشى" - يۆان ماەۆسكي
"كورەرمەندەر كوزايىمى" - دجۋنيور كابانانگا
"كوماندانىڭ ادال ويىنشىسى" - ابزال بەيسەبەكوۆ
"ۇزدىك باپكەر" - ستانيمير ستويلوۆ
ەرمۇحاممەد مəۋلەن
ەركەبۇلان جومارت
"ەگەمەن قازاقستان"
