ەۆگەني كورەشكوۆ باپكەرگە قاتتى باۋىر باسىپ قالىپپىز. سوڭعى ءتورت ويىندا قازاق حوككەيشىلەرى قارسىلاستارىنىڭ تاس-تالقانىن شىعاردى. بيىل "بارىس" بۇرىنعىداي الا-قۇلا ەمەس, تəپ-ءتəۋىر ويىن كورسەتىپ, ءوز جانكۇيەرلەرىن قۋانتىپ ءجۇر. ەلوردالىق حوككەيشىلەردىڭ كۇنى بۇگىنگە دەيىن تۋرنير كەستەسىندە كوش باستاۋى كوپ نəرسەنى انعارتسا كەرەك. ومبىلىقتارمەن ويىنعا ون مىڭعا جۋىق جانكۇيەردىڭ "بارىس" باسىم تۇسەدى دەگەن ۇمىتپەن كەلگەندەرى زاڭدىلىق.
شىعىس كونفەرەنتسياسىنىڭ قوس مىقتىسى اراسىنداعى كەزدەسۋ تارتىسقا تولى بولدى. العاشقى ەكى كەزەڭدە ەسەپ اشىلمادى. "بارىس" بارىنشا باسىمدىقپەن شابۋىلداعانىمەن, شايبانى قارسىلاستار قاقپاسىنا تۋرا باعىتتاي المادى. قوناقتار دا ايانىپ قالعان جوق. قورعانىسقا كوپ كوڭىل بولگەنىمەن, ومبىلىقتار دا ەسەپ اشاتىن مۇمكىندىكتەردە ءمۇلت كەتىپ جاتتى.
كەزدەسۋدىڭ ءۇشىنشى كەزەڭىندە "اۆانگارد" العا شىقتى. ايدىن يەلەرىنىڭ قاتەلىگىن كەشىرمەگەن ماكسيم چۋدينوۆ.
ءوز جانكۇيەرلەرىن جەرگە قاراتقىسى كەلمەگەن حوككەيشىلەرىمىز قارقىندى ۇدەتە ءتۇستى. ويىننىڭ اياقتالۋىنا ساناۋلى مينۋتتار قالعاندا "بارىستىڭ" شابۋىلشىسى رومان ستارچەنكو ەسەپتى تەڭەستىرىپ كەتتى. كەزدەسۋدىڭ نەگىزگى بولىگى مەن قوسىمشا ۋاقىت تەڭ اياقتالدى. بۋلليتتەر سەرياسىندا اندرەي سكابەلكو شاكىرتتەرى باسىم بولدى.
وسى تۋردا پودولسكىدە جەرگىلىكتى "ۆيتياز" كومانداسىن جەڭگەن كازاندىق "اق بارس" تۋرنير كەستەسىندە "بارىستى" باسىپ وزدى. ءبىزدىڭ حوككەيشىلەر كەلەسى ويىنىن 20-قاراشا كۇنى نوۆوسىبىردە جەرگىلىكتى " سيبير" كومانداسىنا قارسى وتكىزەدى.
ەركەبۇلان جومارت
