ەلىمىزدىڭ باتىسىنداعى اقساي قالاسىندا 1997 جىلى قۇرىلعان كاسىپورىن كادرلارىن تەك قانا جەرگىلىكتى تۇرعىنداردان تاڭداعان. ء«بىز ماماندارىمىزدىڭ ءبىلىمىن ۇنەمى جەتىلدىرىپ, الەۋمەتتىك احۋالدارىنا بارىنشا قولداۋ ءبىلدىرىپ وتىرامىز. جۇمىسىمىزدىڭ ىلگەرى جىلجىپ, ۇلكەن تابىستارعا جەتىپ, بەلەستەردى باعىندىرۋىمىزدىڭ دا باستى سەبەبى – وسى», دەيدى جشس ديرەكتورى باۋىرجان ءجۇسىپوۆ.
بىلتىر قاڭتاردا KSS كومپانياسى حالىقتىق IPO وتكىزدى, سونىڭ ناتيجەسىندە كومپانيانىڭ 100 پايىز مەنشىك يەلەرى كاسىپورىننىڭ بارلىق جۇمىسشىلارى بولدى. وسىلايشا كومپانيا اكتسيالارىن يەلەنۋ ارقىلى ولار دامۋ مەن وسىمنەن تابىس تابادى. سونداي-اق نەگىزگى اكتسيالارىن ساتىپ الا وتىرىپ, ەلدەگى تابيعي بايلىقتار مەن ينفراقۇرىلىمدى پايدالانۋعا وزدەرىنىڭ قاتىستىلىعىن سەزىنەدى.
«Karachaganak Support Services» جشس ۇسىناتىن قىزمەتتەردىڭ نەگىزگى تۇرلەرىن ايتا كەتسەك, ءبىرىنشى – رەزەرۆۋارلار مەن جابدىقتاردى اۆتوماتتاندىرىلعان تازالاۋ. ەكىنشى – مۇناي قالدىقتارى مەن مۇنايلى سۋلاردى قايتا جاساپ شىعارۋ; ءۇشىنشى – قوناقۇي قىزمەتتەرى; ءتورتىنشى – قوعامدىق تاماقتاندىرۋ; بەسىنشى – كولىك قىزمەتتەرى; التىنشى – ماتەريالدار جەتكىزىلىمى جانە ماماندار ۇسىنۋ. وسىلاردىڭ قاي-قايسىسىندا دا مەكەمە ساپا مەن جاۋاپكەرشىلىككە اسا قاتتى ءمان بەرگەن.
«KSS كومپانياسى ISO 9001:2000 ساپا جۇيەسىن حالىقارالىق سەرتيفيكاتتاۋدان, ISO 14001:2004 ەكولوگيالىق مەنەدجمەنتىن, OHSAS 18001:2007 قاۋىپسىزدىك جانە كاسىبي دەنساۋلىق مەنەدجمەنتى جۇيەسىن, ISO 22000:2005 تاعام ءونىمىنىڭ جانە ازىق-ت ۇلىكتىڭ قاۋىپسىزدىك سالاسىنداعى مەنەدجمەنت جۇيەسىن سەرتيفيكاتتاۋدان ءوتتى», دەيدى كومپانيا باسشىسى. سونداي-اق CHESM باعالاۋ ناتيجەلەرى بويىنشا «تەڭىزشەۆرويل» قازاقستاندىق كاسىپورىنعا «ا» جوعارى بالىن بەرگەن.
كاسىپورىن سوڭعى جيىرما جىل بويى ساپاسى مەن كاسىبي ءىسىن ۇنەمى ارتتىرا وتىرىپ, تابىستى دامىپ كەلەدى. بىرەگەي جەتىستىكتەرى مەن ىلكىمدى ىستەرىنە تۇتىنۋشىلارى ريزا. ايتالىق «KSS» كومپانياسى ءوز قىزمەتىن الەمگە تانىمال ءۇش مۇناي-گاز كەن ورنىندا جۇزەگە اسىرادى. ولار – «تەڭىزشەۆرويل» مۇناي كەن ورنى, «NCOC» قاشاعان مۇناي كەن ورنى جانە «KPO» قاراشىعاناق مۇناي-گاز كەن ورنى. «بيىلعى 10 قاڭتاردا «تەڭىزشەۆرويل» كومپانياسى مەن «Karachaganak SupportServices» جشس اراسىندا KSS ءموبيلدى زاۋىتىندا رەزەرۆۋارلاردان مۇناي قالدىقتارىن شىعارىپ الۋ ارقىلى رەزەرۆۋارلاردى اۆتوماتتاندىرىلعان تازالاۋ جانە مۇناي قالدىقتارىن كەيىنگى قايتا وڭدەپ شىعارۋ بويىنشا قىزمەتتەر ۇسىنۋ كەلىسىمشارتىنا قول قويىلعانىن ايرىقشا اتاپ وتۋگە بولادى. بۇل وقيعا كاسىپورىن دامۋىنا سەرپىن بەرىپ, ىسىمىزگە سەنىمدىلىگىمىزدى ارتتىرا ءتۇستى», دەيدى باۋىرجان ءجۇسىپوۆ. ال تشو كومپانياسى جىل سوڭىنا دەيىن ءۇش رەزەرۆۋار تازالاۋدى جوسپارلاپ قويعان.
رەزەرۆۋارلاردى تازالاۋعا قاتىستى نەگىزگى ماسەلە كۇكىرتتى سۋتەكتىڭ كوتەرىڭكى قۇرامىندا, جانۋ شوگىندىنىڭ بولۋىندا, سۋ مەن قاتقىل جاۋىن-شاشىنداردىڭ قاتىسۋىندا جاتىر. KSS كومپانياسى رەزەرۆۋارلار تازالاۋ جۇمىستارىن 1 ساۋىردە باستاپ, 18 ماۋسىمدا اياقتاپ ۇلگەرگەن. «رەزەرۆۋارلاردى تازالاۋدىڭ ءبىرىنشى كەزەڭىندە قاتقىل جاۋىن-شاشىنداردى كوتەرۋ ءۇشىن رەزەرۆۋاردىڭ ىشىندە مۇناي قالدىقتارىن بۇراۋ ارقىلى ۇلىبريتانيادا وندىرىلگەن «Tanksweep» جابىق اۆتوماتتاندىرىلعان جۇيەسىن قولداندىق. ەكىنشى كەزەڭىندە «Manway Cannon» اۆتوماتتاندىرىلعان جۇيەسىن پايدالانىپ, رەزەرۆۋارلاردىڭ قابىرعالارىنان جانۋ شوگىندىلەرىن جويۋ ارقىلى سوڭعى تازالاۋ مەن گاز-اۋا ورتاسىنان كۇكىرتتى سۋتەكتى جويۋ جۇزەگە اسىرىلدى», دەيدى كاسىپورىن باسشىلىعى. بۇدان ءارى قاراي مۇناي قالدىعى اقش-تا وندىرىلگەن «OCSS-50» ءموبيلدى زاۋىتىندا قايتا جاڭعىرتۋعا جىبەرىلگەن. قايتا جاساپ شىعارۋ ناتيجەسىندە 87 پايىز مۇناي تاۋارى, 10 پايىز تەحنيكالىق سۋ جانە 3 پايىز قاتقىل جاۋىن-شاشىندار الىنىپ, كادەگە جاراتۋعا بەرىلدى.
«بيىلعى ءۇش رەزەرۆۋاردى تازالاۋ ماۋسىمى تشو كەستەسىنە سايكەس كۇردەلى جوندەۋ باستالعانعا دەيىن ءۇش اي وتىسىمەن اياقتالدى.
مۇناي رەزەرۆۋارلارىن تازالاۋ جانە مۇناي قالدىقتارىن قايتا وڭدەپ شىعارۋ بويىنشا اتالمىش جۇمىستار قايتالاما شيكىزات الۋ ارقىلى قاۋىپسىز جانە مەرزىمىندە, قورشاعان ورتاعا زيانسىز جانە ەڭ باستىسى, تۇيىق كەڭىستىككە ادامنىڭ قول جەتىمدىلىگىنسىز اسا ءتيىمدى اتقارىلدى», دەيدى كومپانيا ديرەكتورى باۋىرجان ءجۇسىپوۆ. رەزەرۆۋارلاردى تازالاۋ جۇمىستارىن جۇرگىزگەن KSS كومپانياسىنىڭ ماماندارى 100 پايىز جەرگىلىكتى قىزمەتكەرلەر. بۇل جۇمىسشىلار اقش پەن ۇلىبريتانيادا دايىندالعان جابدىقتاردا جۇمىس ىستەۋ بويىنشا وقىتۋدان ءوتىپ, جوعارى سىنىپتى سەرتيفيكاتتالعان ماماندار.
اسحات رايقۇل,
«ەگەمەن قازاقستان»
