ەسكە سالا كەتەيىك, 2015 جىلعى 11 اقپاندا نۇرسۇلتان نازارباەۆ ۇكىمەتتىڭ كەڭەيتىلگەن وتىرىسىندا ازاماتتاردىڭ يپوتەكالىق قارىزدارىن قايتا رەتتەۋ جونىندە تاپسىرما بەرگەن بولاتىن. سوعان سايكەس, ۇكىمەت پەن ۇلتتىق بانك تاراپىنان 130 ميلليارد تەڭگە ءبولىنىپ, بۇگىندە 22 مىڭعا جۋىق ازامات ءوز باسپانالارىن ساقتاپ قالۋعا مۇمكىندىك الدى. وسى ماسەلەنىڭ وڭ شەشىمىن تاۋىپ, ىسكە اسۋىنا وراي ەلىمىزدىڭ بىرنەشە وڭىرىنەن حات جازعان ازاماتتار مەملەكەت باسشىسىنا زور ريزاشىلىقتارىن جەتكىزگەن.
اتاپ ايتقاندا, الماتى قالاسىنىڭ تۇرعىنى باقىت ۋاقاسوۆا ەلباسىنا مەملەكەتتىك باعدارلاما اياسىندا يپوتەكالىق نەسيە بويىنشا بەلگىلەنگەن پايىزدى ازايتىپ, الەۋمەتتىك جاعدايى تومەن وتباسىلارىنا كومەك كورسەتكەنى ءۇشىن العىس بىلدىرگەن. ال شىمكەنت قالاسىنان ءاليا قادىرقۇلوۆا: ء«سىز يپوتەكا ارقىلى ساتىپ الىنعان جالعىز باسپانانى تارتىپ الماۋ, نەسيەنى قايتا قارجىلاندىرۋ, مۇمكىندىگى شەكتەۋلى ادامدارعا جەڭىلدىكتەر جاساۋ تۋرالى تاپسىرما بەرىپ, قاراپايىم حالىقتىڭ ريزاشىلىعىنا بولەندىڭىز. ءارى قاراي دا حالىقتىڭ الەۋمەتتىك جاعدايىن جاقسارتىپ, قامقور بولاتىنىڭىزعا سەنىمدىمىن», دەپ جازعان.
الماتى وبلىسىنىڭ قاراساي اۋدانىنداعى ىرگەلى اۋىلىنىڭ تۇرعىنى ءمارزيا وسپانوۆا: «يپوتەكا ارقىلى العان باسپانامىزدى وتباسىمىزدا ساقتاپ قالۋعا مۇمكىندىك تۋعىزعانىڭىز ءۇشىن ريزاشىلىعىمىزدى جەتكىزگىمىز كەلەدى. حالقىڭىزدىڭ جاعدايىن جاساپ, قيىنشىلىقتا قولۇشىن بەرگەنىڭىز ءۇشىن العىسىمىز شەكسىز», دەگەن ىستىق ىقىلاسىن جولداعان.
حات يەلەرى نۇرسۇلتان نازارباەۆقا زور دەنساۋلىق پەن ۇزاق عۇمىر, سونداي-اق ەلىمىزدىڭ ءوسىپ-وركەندەۋى جولىنداعى ەڭبەگىنە مول تابىس تىلەگەن. مەملەكەت باسشىسى ءوز اتىنا كەلىپ تۇسكەن حاتتارمەن مۇقيات تانىسىپ, جىلى لەبىزدەرىن بىلدىرگەن ازاماتتاردىڭ بارلىعىنا العىس ايتتى.
