سونىڭ ىشىندە ءبىر رەسەي مەملەكەتىنىڭ نارىعىنا 145 مىڭ توننادان استام قاۋىن مەن قاربىز شىعارىلدى.
سونىمەن بىرگە, ءوڭىر شارۋالارى كوكونىس پەن باقشادان باسقا بۇل ەلدەرگە ۇندىك ەتى, سۋسىندار مەن ءىرى قارا مالعا ارنالعان ازىق پەن بالىق كونسەرۆىلەرىن شىعارىپ كەلەدى.
سوڭعى ۋاقىتتا وبلىستا قارقىندى باۋ شارۋاشىلىعىن دامىتۋ جانە جاڭا تەحنولوگيالاردى قولدانۋدىڭ ارقاسىندا باقشا ونىمدەرىنىڭ كولەمى ارتتى. وسىنىڭ ناتيجەسىندە, جەمىس يمپورتىنىڭ ۇلەسى 99,3 ملن. دوللارعا نەمەسە 33,3 پايىزعا, ال كوكونىس 6,2 ملن. دوللارعا نەمەسە 4,8 تومەندەگەن.
جالپى وڭتۇستىك قازاقستاندا 21 كاسىپورىن ءوز ونىمدەرىن شەت ەل اسىرىپ, ەكسپورتتايدى. ايماقتىڭ كاسىپكەرلەرى وزبەكستان, قىرعىزستان, اۋعانستان جانە تاجىكستان رەسپۋبليكالارىنا وسىمدىك مايى مەن ۇن, بالىق سۇبەسى مەن كونسەرۆىلەنگەن بالىق, قۇس جۇمىرتقاسىن, ماكارون, كونديتەرلىك ونىمدەردى, قوي ەتىن جانە سيىر ەتىن شەتەل نارىعىنا ساۋدالاۋدا.
اگرارلى ايماقتىڭ شارۋالارى كوكونىسپەن قاتار ءداندى داقىلداردى دا ەكسپورتتاۋعا ەرەكشە باسىمدىق بەرىپ كەلەدى. ماسەلەن, جىل باسىنان بەرى شەت مەملەكەتتەرگە قۇنى 17,6 ملن دوللاردى قۇرايتىن بيداي مەن 49,3 ملن دوللارعا ۇن ونىمدەرى ەكسپورتتالعان. جالپى اۋىل شارۋاشىلىعى ەكسپورتىنىڭ كولەمى بۇگىنگى تاڭدا 211,4 ملن. اقش دوللارىن قۇراپ, وتكەن جىلمەن سالىستىرعاندا 6 پايىزعا وسكەن. ال يمپورت كولەمى 320 ملن. اقش دوللارىن قۇراپ, 4 پايىزعا كەمىگەن.
بيىل وڭتۇستىك قازاقستان وبلىسىنىڭ ديقاندارى 376,5 ملرد تەڭگەنى قۇرايتىن اۋىل شارۋاشىلىعى ءونىمىن ءوندىردى. بۇل وتكەن جىلعىمەن سالىستىرعاندا 57 ملرد تەڭگەگە كوپ. ياعني, ديقاندار بيىل 400 مىڭ تونناعا جۋىق استىقتى قامباعا قۇيسا, 116 مىڭ توننا جەمىس-جيدەك پەن 919 مىڭ توننا كوكونىس, 295 مىڭ توننا كارتوپ, 1,3 ملن توننا باقشا داقىلدارىن جينادى.
