«قازاقستان 2050» جالپىۇلتتىق قوزعالىسى بيىل شىلدەدەن قازان ايىنا دەيىن قازاقستاننىڭ بارلىق ايماعىنداعى مەكتەپتەردەن «جاسىل ەنەرگەتيكا», ء«ىت», «مودەلدەۋ جانە روبوتوتەحنيكا», «تۇرمىسقا پايدالى ونەرتابىستار» تاقىرىپتارى بويىنشا وقۋشىلاردىڭ جوبالارىن قابىلداعان بولاتىن. كەلىپ تۇسكەن 200-گە جۋىق جوبانىڭ ىشىنەن 20 جوبانى ساراپشىلار توبى ىرىكتەپ الدى.
وسى 20 جوبا ەرتەڭ نازارباەۆ ۋنيۆەرسيتەتىنىڭ كينوزالىندا كوپشىلىكتىڭ قاتىسۋىمەن قازىلار القاسىنىڭ الدىندا قورعالادى. ەڭ ۇزدىك 10 جوباعا ارنايى مەنتورلار بەكىتىلىپ, جوبا جالعاستى دامىتىلادى جانە ونى حالىق تۇتىناتىن تاۋارعا اينالدىرۋ جولدارى قاراستىرىلادى. نەگىزگى دەمەۋشىلىكتى بەكىتىلگەن مەنتورلار جاسايدى. مەنتورلاردىڭ وقۋشىلارمەن قالاي جۇمىس جاساپ جاتقاندىعىن باقىلاۋ ءۇشىن ۇيىمداستىرۋشىلار وتاندىق تەلەارنادان ارنايى باعدارلاما اشىپ, كەلەسى جىلدان باستاپ تۇراقتى تۇردە كورسەتىپ وتىرماق. جوبا جەڭىمپازدارىنا وقۋ گرانتتارىمەن قوسا باعالى سىيلىقتار دا تابىستالادى.
ايتا كەتەيىك, ەلىمىزدە وقۋشىلاردىڭ جوبالارىن وندىرىسكە قوسۋعا ارنالعان وليمپيادا العاش رەت ءوتىپ وتىر. وليمپياداعا «Samruk-Kazyna Trust» الەۋمەتتىك جوبالاردى دامىتۋ قورى, قر ءبىلىم جانە عىلىم مينيسترلىگى, رەسپۋبليكالىق «دارىن» ورتالىعى, نازارباەۆ ۋنيۆەريستەتى, ەۋرازيا تەحنولوگيالىق ۋنيۆەرسيتەتى, «Bilim Media Group» قورى قولداۋ كورسەتتى.
