10 شاقىرىمدىق كلاسسيكالىق ءادىس بويىنشا 60 شاڭعىشى جارىس جولىنا شىقتى. مارە سىزىعىن العاش بولىپ كەسىپ ءوتۋ ءۇشىن وسكەمەندىك سپورتشىعا فينليانديالىق جانە ۋكراينالىق شاڭعىشىلار باسەكەلەستىك تانىتتى. دەگەنمەن, ي.ليۋفتتىڭ جەڭىسكە جەتۋى ءۇشىن 22:01:00 ۋاقىت جەتكىلىكتى بولدى.
– بۇل جارىستار الداعى ۋاقىتتا وتەتىن جاستار اراسىنداعى الەم چەمپيوناتىنا جانە وليمپياداعا دايىندىق دەسەك تە بولادى. بۇدان بولەك, وسى باسەكەلەردە كلاسسيكالىق ستيل بويىنشا سپرينتتىك جارىستاردا باق سىناعىم كەلەدى, – دەدى يۆان ليۋفت.
ماۋسىم الدىنداعى بۇل جارىستار سپورتشىلاردىڭ رەيتينگتىك ۇپايلارىنىڭ جوعارىلاۋىنا جاقسى مۇمكىندىك بەردى. ايدىڭ سوڭىنا دەيىن فينليانديا جەرىندە تاعى دا 5 FIS سايىسى وتەتىن بولادى.
ازامات قاسىم,
«ەگەمەن قازاقستان»
شىعىس قازاقستان وبلىسى
