بيىل مەملەكەت قارجىسىنا جالپى اۋدانى 135,6 مىڭ شارشى مەتر بولاتىن 37 تۇرعىن ءۇي, ياعني 2007 پاتەر قۇرىلىسى جۇرگىزىلدى. جالپى اۋدانى 109,8 مىڭ شارشى مەتر 1617 پاتەرلى 29 ءۇي پايدالانۋعا بەرىلدى, قالعان 8 تۇرعىن ءۇي قۇرىلىسى جىل اياعىنا دەيىن بىتەدى.
«بەرەكە» تۇرعىن ءۇي كەشەنىن تەكسەرۋ بارىسىندا اتىراۋ وبلىسىنىڭ اكىمى نۇرلان نوعاەۆ ءۇي تۇرعىزۋ كەزىندە بارلىق قاجەتتى جاعدايلار ەسەپكە الىنىپ, قۇرىلىس مادەنيەتى ساقتالۋى كەرەكتىگىن ايتتى.
-مەملەكەتتىك باعدارلاما بويىنشا پاتەر العان ادام وعان قالاي جوندەۋ جۇرگىزۋ كەرەگىن نەمەسە قۇرىلىسشىلاردىڭ كەمشىلىگىن قالاي دۇرىستاۋدى ويلاماۋى كەرەك, - دەدى قاراماعىنداعىلارعا نۇرلان نوعاەۆ. – قابىلداۋ-تاپسىرۋ اكتىسى قوسىمشا وزگەرتۋلەر مەن قايتا تۇزەتۋسىز, بارلىق جۇمىستاردىڭ اياقتالعانىن كورسەتەدى.
ايتا كەتۋ كەرەك, 2018 جىلى اتىراۋ قالاسىنداعى ەكى ىقشاماۋداندا («بەرەكە», «نۇرسايا») جالپى اۋدانى 234,5 مىڭ شارشى مەتر, 4 638 پاتەرلى 43 كوپ پاتەرلى تۇرعىن ءۇيدىڭ قۇرىلىسىن جۇرگىزۋ ءۇشىن جوبالاۋ-سمەتالىق قۇجاتتاما دايىنداۋ جۇزەگە اسادى.
