«جوسپارلانعان 37 كوپ قاباتتى تۇرعىن ءۇيدىڭ 29-نىڭ قۇرىلىسى اياقتالدى. قالعاندارى جىل سوڭىنا دەيىن پايدالانۋعا بەرىلەدى», دەيدى وبلىستىق قۇرىلىس باسقارماسىنىڭ باسشىسى مالىك امانوۆ.
كەلەر جىلعا جۇكتەلىپ وتىرعان مىندەت تە از ەمەس. قالاداعى «نۇرسايا», «بەرەكە» شاعىن اۋداندارى تاعى دا 43 تۇرعىن ۇيمەن تولىعادى. وبلىس ورتالىعى ماڭىندا ورنالاسقان تالعايراڭ, اقجار اۋىلدارىندا جاڭا شاعىن اۋداندار بوي كوتەرمەك. قازىر وسىعان بايلانىستى 361,78 گا جەر تەلىمى يگەرىلىپ جاتىر.
وبلىستىڭ باس قۇرىلىسشىسى اتىراۋلىقتاردىڭ «نۇرلى جەر» مەملەكەتتىك باعدارلاماسىنا سۇرانىسى جوعارى ەكەنىن ايتادى. بۇگىنگە دەيىن 68 وتباسى يپوتەكالىق قارىزداردى سۋبسيديالايتىن جاڭا باعدارلاما ارقىلى باسپاناعا قول جەتكىزىپتى. «جىل سوڭىنا دەيىن تاعى دا جەتى وتباسى جاڭا پاتەر كىلتىن الادى. «نۇرلى جەر» باعدارلاماسى اياسىندا 2016 جىلدان بەرى كوممەرتسيالىق بانكتەردەگى يپوتەكالىق قارىزدى سۋبسيديالاۋ ناۋقانى باستالعان ەدى. سۋبسيديالاناتىن قارىز كولەمى – 10 پايىز, قالعان بولىگىن قازاقستان يپوتەكالىق كومپانياسى تولەيدى. باعدارلامانىڭ ءتيىمدى شارتتارى تۇرعىنداردىڭ كوڭىلدەرىنەن شىعۋدا» دەيدى «قازاقستان يپوتەكالىق كومپانياسى» اق-تىڭ اتىراۋ ايماقتىق بولىمشەسىنىڭ ديرەكتورى ءƏلىمجان دابىسوۆ.
سونداي-اق əلەۋمەتتىك از قامتىلعان تۇرعىندارعا نەسيەلىك جəنە جالعا بەرىلەتىن مىڭ جارىم پəتەر سالۋ جوسپارلانعان. مۇنايلى ايماقتاعى قۇرىلىستىڭ قارقىنى جوعارى ەكەنىن سالىنىپ جاتقان 10 مەكتەپ, 13 بالاباقشا, 3 دەنساۋلىق ساقتاۋ نىسانى, 11 مادەنيەت ءۇيى, 4 سپورت كەشەنىنەن دە بايقاۋعا بولادى. الداعى ۋاقىتتا اۋدانداردا 10 قاتتى تۇرمىستىق قالدىقتار پوليگونى سالىنادى. سونىمەن قاتار «اتىراۋ وبلىسى جايىق وزەنىنىڭ سۋىن مولايتۋ جانە گيدرولوگيالىق رەجىمىن جاقسارتۋ» جوباسى بويىنشا جۇمىستار اياقتالۋدا. جايىق جانە قيعاش وزەندەرىن سۋلاندىرۋ بويىنشا جوبالاۋ-سمەتالىق قۇجاتتاما جاساقتالىپ, جەرگىلىكتى بيۋدجەتتەن جۇمىستى باستاۋعا قارجى ءبولىندى.
ال وبلىس ورتالىعىنداعى قۇرىلىسى توقتاپ قالعان كونتسەرت زالىن اكۆاپارككە اينالدىرۋ جايلى ينۆەستورلاردان ۇسىنىس تۇسكەن. جۇزەگە اسىپ كەتسە, قابىرعالارى عانا قالانىپ, قاڭىراپ تۇرعان عيماراتتىڭ ءسانى كىرەر ەدى.
باقىتگۇل باباش,
«ەگەمەن قازاقستان»
اتىراۋ
