«مەن قازاق حالقىنان باستاپ, بارلىعىنا العىس ايتقىم كەلەدى!. مەن ءبارىڭىزدى جاقسى كورەمىن. سىزدەر مەنى ءوز جاقىندارىڭىزداي ەتىپ قابىلدادىڭىزدار. فۋتبولعا ءتانتى ازاماتتارعا, قازاقستاننىڭ فۋتبول فەدەراتسياسىنا راحمەت! ءبىزدى قيىن كۇندەردە دە, قۋانىشتى ساتتەردە دە قولداپ كەلگەن بارشا جانكۇيەرىمىزگە العىس بىلدىرگىم كەلەدى. بارلىق ارىپتەسىمە مىڭ العىس. ءبارىمىز بىرىگىپ, جانكۇيەرلەردىڭ كوڭىلى ءۇشىن, قازاقستان فۋتبولىنىڭ دەڭگەيىن كوتەرۋ ءۇشىن تىنىمسىز جۇمىس ىستەدىك. مەن «قايراتتى» ەشقاشان دا ۇمىتپايمىن. اسىرەسە, كلۋب پرەزيدەنتىن, ول مەنى ءوزىنىڭ بالاسىنداي قابىلداپ, فۋتبول ويناپ, مۇمكىندىگىمدى كورسەتۋگە جاعداي جاسادى. مەن وسى حابارلاما ارقىلى «قايرات» كومانداسىمەن جولىمىز ەكىگە ايىرىلاتىنىن جەتكىزگىم كەلەدى. مەن قازاق فۋتبولىنا قۋانىش سىيلاۋ ءۇشىن ءالى ورالامىن دەگەن ۇمىتتەمىن. مەن سىزدەردى جاقسى كورەمىن. العا, «قايرات», - دەپ جازدى گوۋ.
28 جاستاعى يۆۋارلىق سۇرمەرگەن «قايراتقا» 2014 جىلى رەسەيدىڭ «كراسنودارىنان» كەلگەن. وسى كۇنگە دەيىن 138 ويىن وتكىزىپ, 99 گولدىڭ اۆتورى اتانعان. بيىل پرەمەر-ليگادا 24 گول سوعىپ, ءۇشىنشى جىل قاتارىنان چەمپيوناتتىڭ ۇزدىك سۇرمەرگەنى اتاندى. سونىمەن قاتار, بيىل ەل كۋبوگىندا ءۇش, ەۋروپا ليگاسىندا ءتورت گول سوققان. «قايرات» ساپىندا ءۇش رەت ەل چەمپيوناتىنىڭ ۆيتسە-چەمپيونى اتانسا, ءبىر رەت قولاعا قول جەتكىزگەن. بۇدان بولەك, ءۇش مارتە ەل كۋبوگىن جەڭىپ الىپ, ەكى رەت قازاقستان سۋپەركۋبوگىنىڭ يەگەرى اتانعان. «قايراتقا» دەيىن كوت-د’يۆۋار, ماروككو, شۆەيتساريا, تۇركيا, رەسەي چەمپيوناتتارىندا دوپ تەپكەن.
