بۇل تۋرالى كەڭەيتىلگەن ماجىلىستە وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى ارداق رايىمبەكوۆ ايتتى.
«وڭىردە «قازاقستاننىڭ ساكرالدى گەوگرافياسى» ارنايى جوباسىن جۇزەگە اسىرۋعا باسا نازار اۋدارىلادى. قازىرگى ۋاقىتتا مۇندا 78 ساكرالدى ورىن انىقتالعان. ونىڭ 73-ءى وبلىستىق جانە بەسەۋى رەسپۋبليكالىق تىزىلىمگە ەنگىزىلگەن. ءاربىر نىسان مەن ورىنعا تولىق اڭداتپا جازۋ بويىنشا جۇمىس جۇرىگىزىلۋدە», - دەيدى ارداق رايىمبەكوۆ.
ولاردىڭ قاتارىندا باياناۋىل اۋدانىنداعى ءماشھۇر ءجۇسىپ, سۇلتانماحمۇت تورايعىروۆ كەسەنەلەرى, كەمپىرتاس جانە قوڭىر اۋليە سىندى تاريحي ورىندار بار. ال شارباقتى اۋدانىنان عابدۋل ۋاحيت حازىرەت كەسەنەسى, ەكىباستۇز قالاسىنان يسابەك يشان كەسەنەسى سول ءتىزىمنىڭ قاتارىنان ورىن العان.
