وندا دەپۋتاتتار قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا تۇزەتۋلەرگە قاتىستى زاڭ جوباسىن ءبىرىنشى وقىلىمدا قارايدى دەپ كۇتىلۋدە. ەلباسىنىڭ زاڭ شىعارۋ باستاماسى نەگىزىندە ۇسىنىلىپ وتىرعان بۇل قۇجات ەلىمىزدىڭ قىلمىستىق-پروتسەستىك كودەكسىنە, «جەدەل-ىزدەستىرۋ قىزمەتى تۋرالى» جانە «پروكۋراتۋرا تۋرالى» زاڭدارعا قىلمىستىق سوت ءىسىن جانە جالپى قۇقىق قورعاۋ قىزمەتىن جاڭعىرتۋعا باعىتتالعان وزگەرىستەر ەنگىزۋدى كوزدەيدى.
سونىمەن قاتار وسى كۇنى ءماجىلىس اكىمشىلىك قۇقىق بۇزۋشىلىق تۋرالى كودەكسكە تۇزەتۋلەرگە ارنالعان زاڭ جوباسىن ەكىنشى وقىلىمدا قاراپ, تمد قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمدى راتيفيكاتسيالاۋعا بايلانىستى زاڭ جوباسىن تالقىعا سالادى.
ال جالپى وتىرىستا جۇمىسقا قابىلداناتىن قۇجاتتار قاتارىندا اگروونەركاسىپتىك كەشەندى رەتتەۋ ماسەلەلەرى بويىنشا جانە قازاقستان مەن حالىقارالىق قايتا قۇرۋ جانە دامۋ بانكى اراسىنداعى وڭتۇستىك-باتىس اۆتوموبيل جولدارىن دامىتۋ جوباسىنا تۇزەتۋلەر بويىنشا كەلىسىم-حاتتى راتيفيكاتسيالاۋعا باعىتتالعان زاڭ جوبالارى بار.
