اۋداندىق بيۋدجەتتەن 6 دارىگەرگە 500 مىڭ تەڭگەگە گرانت تابىستالدى. اۋدان ورتالىعى اققۋلىعا اۋداندىق ىشكى ساياسات ءبولىمىنىڭ حابارىنشا, «جۇمىسپەن قامتۋدىڭ جول كارتاسى- 2020» باعدارلاماسى اياسىندا سالىنعان 24 پاتەرلى تۇرعىن ءۇي قۇرىلىسىنا وبلىستىق بيۋدجەتتەن 32 ميلليون تەڭگە قاراجات ءبولىنىپتى.
ءمادينا ايتقۇلوۆا, ساعادي مەن ونىڭ جۇبايى ەركەجان اكىمبەكوۆتەردىڭ وتباسى, ايدوس نۇربەكوۆپەن ۇلجان تولەباەۆالاردىڭ دارىگەرلىك وتباسىلارى ءۇي الدى. دارىگەرلەرمەن بىرگە اققۋلىداعى «ونەر» مەكتەبىنە قىزمەتكە كەلگەن مانشۇك قادىسوۆاعا, اۋداندىق بالالار ءۇيىنىڭ تاربيەلەنۋشىسى يۋري سۋرگۋتانوۆقا دا ءبىر بولمەلى پاتەر بەرىلدى. جاڭا پاتەرلەر ورتالىقتاندىرىلعان جىلۋ جۇيەسىنە قوسىلعان. جاستار ءۇشىن بارلىق جاعداي جاسالىپتى.
جالپى, وڭىردە بيىلعى جىلى «ديپلوممەن – اۋىلعا!» باعدارلاماسى اياسىندا 151 جاس مامان اۋىلدارعا بارادى دەپ جوسپارلانعان-دى. ماماندارعا الەۋمەتتىك قولداۋ كورسەتۋ شارالارىن ىسكە اسىرۋ بويىنشا بيۋدجەتتەن 513,9 ميلليون تەڭگە ءبولۋ دە قاراستىرىلدى
فاريدا بىقاي
«ەگەمەن قازاقستان»
پاۆلودار
