ونىڭ ايتۋىنشا, قاراقيا اۋداندىق "جەر قاتىناستارى, ساۋلەت جانە قالا قۇرىلىسى ءبولىمى" مەملەكەتتىك مەكەمەسىنىڭ باسشىسى ا.تولەگەنوۆ قۇرىق سەلوسى اۋماعىنان 50-گە جۋىق جەكە جانە زاڭدى تۇلعالارعا قوسالقى شارۋاشىلىعىن جۇرگىزۋ ءۇشىن جەر ۋچاسكەلەرىن زاڭسىز بەرىپ كەلگەن.
بۇل دەرەكتى پروكۋراتۋرا ورگاندارى انىقتاعان سوڭ, زاڭ بۇزۋشىلىقتى جويۋ تۋرالى ۇسىنىسى نەگىزىندە شەنەۋنىككە قاتىستى تارتىپتىك ءىس قارالىپ, شەشىم شىعارىلعان. ورىن العان زاڭ بۇزۋشىلىقتار مەملەكەتتىك قىزمەتكە كىر كەلتىرەتىن تەرىس قىلىق بولىپ دارەجەلەنىپ, ادەپ جونىندەگى كەڭەستىڭ شەشىمىمەن ءبولىم باسشىسى قىزمەتىنەن قۋىلدى.
جىل باسىنان بەرى ادەپ جونىندەگى كەڭەستىڭ 11 ءماجىلىسى وتكىزىلىپ, 55 ماسەلە قارالدى, ونىڭ 40-ى مەملەكەتتىك قىزمەتشىلەرگە قاتىستى قوزعالعان تارتىپتىك ىستەر.
تارتىپتىك جازا قولدانۋ جونىندە مەملەكەتتىك ورگانداردىڭ باسشىلارىنا 20 ۇسىنىمدار جولدانىپ, مەملەكەتتىك قىزمەتكە كىر كەلتىرەتىن تارتىپتىك تەرىس قىلىقتارعا جول بەرگەنى ءۇشىن 6 قىزمەتشىگە - «قىزمەتىنە تولىق سايكەس ەمەستىگى تۋرالى ەسكەرتۋ» بەرىلسە, 2 قىزمەتشى «اتقاراتىن قىزمەتىنەن بوساتىلدى». قالعان 12 قىزمەتشىگە ادەپ كودەكسىمەن 8 – ەسكەرتۋ, 2 – «سوگىس», 2 – «قاتاڭ سوگىس» تۇرىندە جازالار قولدانىلدى.
سونىمەن قاتار, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى مەملەكەتتىك قىزمەت, مەملەكەتتىك قىزمەتشىلەردىڭ ادەپ ەرەجەلەرى, مەملەكەتتىك كورسەتىلەتىن قىزمەتتەر جانە سىبايلاس جەمقورلىق پروفيلاكتيكاسى ماسەلەلەرى بويىنشا جۇمىس ىستەيتىن 1424 كولل-ورتالىعىنىڭ جانە دەپارتامەنتتىڭ 8 (7292) 30-30-39 سەنىم تەلەفونىمەن قاتار, جاڭادان 8 (707) 170-14-24 (WhatsApp قوسىمشاسى ارقىلى سمس جانە اۋديو حابارلامالار ءۇشىن) ءنومىرلى ماڭعىستاۋ وبلىسى بويىنشا شۇعىل جەلىسىنىڭ اشىلعاندىعىن حابارلادى, دەلىنگەن ءباسپاسوز مالىمدەمەسىندە.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
