القالى جيىنعا مەملەكەت قايراتكەرلەرى, تاريحشى عالىمدار, الىس جاقىن شەتەلدەن ساراپشىلار, ساياساتتانۋشىلار قاتىستى.
كونفەرەنتسياعا الىس جاقىن شەتەلدەن كەلگەن عالىمدار مەن ساراپشىلار ەلباسىنىڭ كوشباسشىلىق فەنومەنىن, 25 جىلدان استام تاريح ىشىندە تاۋەلسىزدىكتىڭ, مەملەكەتتىلىكتى قالىپتاستىرۋداعى ەڭبەگى مەن ءرولىن تالقىلادى. ءبىرى ەلباسىنىڭ ءساليحالى ساياساتىن, ءبىرى كىسىلىك كەلبەتىن, ەندى ءبىرى حالىقارالىق ساحناداعى ەڭبەگى مەن بەدەلىن, وتاندىق عالىمدار ۇلتارالىق ەتنوسارالىق قاتىناستى دامىتۋداعى ەڭبەگىن تىلگە تيەك ەتتى.
«مەملەكەت باسشىسى نۇرسۇلتان نازارباەۆ بەيبىتشىلىك پەن كەلىسىم ورناعان تۇراقتى قوعامدى قالىپتاستىرۋ ءۇشىن نە ىستەدى؟ بىرىنشىدەن, ەلباسى اتا زاڭىمىزدا بەيبىتشىلىك پەن كەلىسىمدى بارىنەن جوعارى قويۋ كەرەكتىگىن باسا ايتتى. بارلىق سوزىندە قازاقستاندا ىلكى زاماننان بەيبىت ەل بولعانىن ايتىپ كەلەدى. ول قازاق حالقىن وزگە ۇلت وكىلدەرىنىڭ ءومىرى ءۇشىن جاۋاپكەرشىلىگىن بەگىلەدى. پرەزيدەنت ۇلتارالىق قاقتىعىستارعا اكەلەتىن سەپاراتيستىك پيعىل ءۇشىن جازانى اۋىرلاتتى. سىرتتاعى كيكىلجىڭدەرگە قاتىسۋعا تىيىم سالدى. ەلدە ءتيىمدى ءتىل ساياساتى جاسالدى. 2010 جىلى ەلباسى قازاقستان حالقىنىڭ بىرلىگى تۋرالى بىرەگەي دوكترينا جاسادى. ۇنەمى ەتنو-مادەني بىرلەستىكتەرگە قولداۋ كورسەتىپ كەلەدى. پرەزيدەنت قازاق حالقىنىڭ قوناقجايلىلىعى, مەنتاليتەتىن, دارحاندىعىن الەمگە پاش ەتتى. ەگەر وزگە ەلدە پوليەتنيكالىق قۇرام وترالىق ساياسات نەگىزىندە قالىپتاسسا, بىزدە وزگە ۇلتتاردى دەپورتاتسيالاۋ ناتيجەسىندە قالىپتاستى. بۇل دا باسا ەسكەرەتىن جايت. 1992 جىلدان باستاپ قازاقستانعا ەلباسىنىڭ باستاماسىمەن 1 ملن اسا قانداسىمىز قايتا ورالدى. سونىڭ ارقاسىندا ەلىمىزدە بەيبىتشىلىك پەن تىنىشتىق ورنادى», - دەدى قر بعم عك ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, پروفەسسور زيابەك قابىلدينوۆ.
ەسكە سالا كەتسەك, كەشە مەملەكەتتىك ورتالىق مۋزەيدە قر تۇڭعىش پرەزيدەنتى كىتاپحاناسىنىڭ كوشپەلى جوباسى, كورمە اشىلعان بولاتىن. مۋزەيگە كەلۋشىلەر شوعىرى ازايار ەمەس.
كەلۋشىلەر نازارىنا كىتاپحانانىڭ ارحيۆ, كىتاپ, مۋزەي قورىنىڭ سيرەك جادىگەرلەرى, ەلباسىنىڭ جوعارى مەملەكەتتىك ماراپاتتارى, قۇراندار كوللەكتسياسى, وزگە مەملەكەت باسشىلارىنىڭ قولتاڭباسىمەن كىتاپتار, ن.نازارباەۆتىڭ شەت تىلىندەگى كىتاپتارى قويىلدى.
استاناداعى ەلباسى مۋزەيىنەن 800 تۇپنۇسقا قولجازبا, سۋرەت, جەكە زاتتارى اكەلىندى. كوشپەلى كورمە الماتىدا 2 ايداي تۇرادى. كەيىن كورمە قاراعاندى مەن شىمكەنت قالالارىنا كەتەدى.
