كامشات اپا جاستايىنان, ءتىپتى 14 جاسىنان ەڭبەككە ارالاسقان. 1966 جىلى مەحانيزاتورلىق كۋرستى بىتىرگەننەن كەيىن مەڭدىقارا اۋدانىنداعى «حاركوۆ» شارۋاشىلىعىندا الدىمەن تراكتورشى, ودان كەيىن مەحانيزاتور بولىپ 30 جىل ەڭبەك ەتتى. ول شاعىن تەحنيكاارمەن قاتار ك-701 ءونىمدى تراكتورىن دا جاقسى يگەردى. ولىستىق, رەسپۋبليكالىق جارىستاردا جۇلدەگەن اتاندى. ەڭبەكقورلىق كامشاتتى داڭققا بولەدى. كامشات بايعازىقىزى اۋىل شارۋاشىلىعىنداعى جۇمىسىمەن قاتار, ءار جىلدارى كەڭەس وداعى كوممۋنيستىك پارتياسى ەسەپ كوميسياسىنىڭ مۇشەسى, كسرو ۇلتتار كەڭەسى توراعاسىنىڭ ورىنباسارى بولدى, قازاق كسر جوعارى كەڭەسىنىڭ دەپۋتاتى مىندەتىن اتقاردى.
كامشات اپا قازاقتىڭ دانا قىزدارىنىڭ ءبىرى ەدى. ايەلدىك بيازىلىقتىڭ, نازىكتىكتىڭ ناعىز ۇلگىسى بولا ءبىلدى. ول ءبىر وتباسىنىڭ ۇيتقىسى, ءتورت بالا تاربيەلەپ, ۇلىن ۇياعا, قىزىن قياعا قوندىردى.
كامشاتتىڭ تراكتور رۋلىنە وتىرۋى ءوز زامانداستارىنىڭ رۋحىن كوتەردى, جاستاردىڭ ۇلگى تۇتار تۇلعاسىنا اينالدى. جاستار كامشاتقا ەلىكتەدى. كامشاتتىڭ قۇرمەتىنە تالاي قازاق وتباسىندا تۋعان نارەستەگە ونىڭ اتى قويىلدى. كامشاتتىڭ بۇكىل عۇمىرى ەڭبەكتى سۇيۋدەن, ەلگە, تۋعان جەرگە دەگەن اسقاق سەزىمنەن تۇرادى. وعان ەلىكتەپ, قازاقتىڭ تالاي جاستارى تراكتور رۋلىنە وتىردى, جۇمىسشى ماماندىعىنىڭ بەدەلى ارتتى.
ول قاراپايىم ەڭبەك ادامىنان قازاقتىڭ كامشاتى دارەجەسىنە كوتەرىلدى. كامشاتپەن بىرگە تۇتاس ءداۋىر كوشىپ بارا جاتقانداي...
ء نازيرا جارىمبەت,
«ەگەمەن قازاقسان»
قوستاناي
