جەدەلحاتتا مەملەكەت باسشىسىنىڭ داڭقتى ديقان-مەحانيزاتور, قوعام قايراتكەرى, سوتسياليستىك ەڭبەك ەرى كامشات دونەنباەۆانىڭ دۇنيەدەن وتكەنى تۋرالى حاباردى زور كۇيزەلىسپەن قابىلداعانى ايتىلعان.
«كامشات بايعازىقىزى كوپ جىلدار بويى مەحانيزاتور بولىپ ەڭبەك ەتىپ, جەر جىرتىپ, استىق ءوسىرىپ, ەلىمىزدىڭ ءوسىپ-وركەندەۋىنە ءوز ۇلەسىن قوستى. كەزىندە باسقا دا بىرقاتار قىزدار كامشاتقا ەلىكتەپ, مەحانيزاتورلىق ماماندىقتى تاڭداپ, ەلىمىزدەگى بۇگىنگى بەرەكە مەن مولشىلىقتىڭ نەگىزىن قالادى.
بويىندا قازاق ايەلىنە ءتان اقىل مەن پاراسات, ەڭبەككە دەگەن قاجىر مەن قايرات شەبەر ۇيلەسىم تاپقان كامشات دونەنباەۆانىڭ ەسىمىن, ونىڭ اتقارعان ىستەرى مەن جارقىن ديدارىن قازاقستاندىقتار ءاردايىم جادىندا ساقتايدى دەپ سەنەمىن», – دەلىنگەن جەدەلحاتتا.
