كونتەينەرلىك پويىز قۇرامىندا «قتج» ۇك» اق قاراستى وتىز 20 فۋتتىق كونتەينەرلەرگە قاپشىقتالعان استىق پەن ء«اتج» جاق ۆاگوندارىنا تيەلگەن جۇكتەر بار. جىلجىمالى قۇرام 5435 شاقىرىمدى ون كۇندە باسىپ ءوتتى. حالىقارالىق باعدار قۇرىق پورتى پاروم كەشەنى مەن كاسپي تەڭىزى جاعالاۋىنداعى اليات پورتى ارقىلى ءوتتى. ساپار بارىسىندا ۆاگونداردى كەڭ تاباندى رەلستەن تار تاباندى تۇرىنە الماستىرۋ جاڭا گرۋزين-تۇرىك شەكارالىق بەكەتى احالكالاكي- كارستا جاسالدى.
«جوبانى تابىستى جۇزەگە اسىرۋ بارلىق مۇددەلى تاراپتاردىڭ بىرلەسكەن قىزمەتىنىڭ ارقاسىندا مۇمكىن بولدى. ونىڭ ىشىندە تەمىرجول, پورت, تەڭىز كولىگى اكىمشىلىگى, لوگيستيكالىق كومپانيالار – ترانسكاسپي حالىقارالىق كولىك باعدارىنا (تحكب) قاتىسۋشى مەملەكەتتەردىڭ كولىك قرىلىمدارى بەلسەندىلىك كورسەتتى»,-دەيدى «KTZ Express» اق كونتەينەرلىك تاسىمالداۋ دەپارتامەنتىنىڭ ديرەكتورى المات كارىموۆ.
ا. كارىموۆتىڭ ايتۋىنشا, باكۋ-تبيليسي-كارس كونتەينەرلىك پويىزىن تۇرىك پورتىنا جەتكىزۋمەن «قتج» ۇك» اق فيليالى – «KTZ Express» اق ەنشىلەس كومپانياسى ۇيىمداستىردى. تحكب باعدارىنداعى تاۋار تاسىمالداۋدىڭ ءتيىمدى لوگيستيكالىق تىزبەگىن جاساقتاۋ جانە كونتەينەرلىك جۇك اعىنىن تارتۋ مەن جۇك بازاسى بالانسىن جاساقتاۋ ماقساتىندا «KTZ Express» اق جۇك جونەلتۋشىلەرگە مۋلتيمودالدىق كونتەينەرلىك پويىز جاساقتاۋدا اۆتوكولىك قىزمەتى مەن قازاقستاندىق كولىك-لوگيستيكالىق ينفراقۇرىلىمىن پايدالانۋ ۇسىنىلدى.
«بۇل باعداردىڭ جىلدىق الەۋەتى 10 ميلليون توننا جۇك تاسىمالداۋعا جەتەدى دەپ باعالانىپ وتىر. تاياۋ ارادا كەلەسى جۇك كەزەگى جونەلتىلەدى», دەدى ا. كارىموۆ.
