ۇن تيەلگەن جىلجىمالى قۇرامدار 3257 شاقىرىمدى 120 ساعاتتا ءجۇرىپ وتەدى. اتالمىش باعدار «قتج-جۇك تاسىمالى» اق-ىنىڭ جىلجىمالى قۇرامدى ءتيىمدى پايدالانۋ جوباسى بويىنشا جۇزەگە اسىرىلدى. جۇك پويىزدارىنىڭ قوزعالىسى بەلگىلەنگەن كەستەمەن بالامالى جولاۋشىلار قوزعالىسىنىڭ باعدارىمەن جۇرگىزىلدى.
وسى باعدار بويىنشا بەكىتىلگەن كەستەدە پويىزدىڭ شىعۋى مەن مەجەلى جەرگە جەتۋى ارالىعىنداعى بارلىق ۇيىمداستىرۋ جانە تەحنولوگيالىق ۇدەرىستەر كورسەتىلگەن. ەندىگى جەردە جۇك جونەلتۋشىلەر جىلجىمالى شاتلل قۇرامنىڭ جىبەرىلگەن كەزىن ءبىلىپ, اۆتوماتتاندىرىلعان قۇجاتتاردى رەسىمدەۋ مەن كەلىسىمدى جانە كوممەرتسيالىق جۇمىستارىن اۆتوماتتى باسقارۋ جۇيەسىمەن قاداعالاي الادى.
«جوبانى تابىستى جۇزەگە اسىرۋ باسقا كولىك تۇرلەرىمەن تەمىرجولدىڭ باسەكەگە قابىلەتتىلىگىن كوتەرە تۇسەدى»,-دەيدى «قتج-جۇك تاسىمالى» اق پايدالانۋ جونىندەگى اتقارۋشى ديرەكتورى ادىلەت ايتبەك.
ونىڭ ايتۋىنشا, «بۇل قادام جۇكتى بەلگىلى ناقتى باعدارعا جىبەرۋ ارقىلى ۆاگون اينالىمى مەرزىمىن قىسقارتىپ, جۇكتىڭ ساقتالۋىن قامتاماسىز ەتەدى». ونىڭ سىرتىندا باعداردا وندىرىستىك ەمەس, لوكوموتيۆ كۇتىپ قالۋ سەكىلدى توقتالۋ بولمايدى. جوبا اياسىندا جۇك پويىزى ەسىل-سارىاعاش- ەسىل –شىمكەنت باعدارىنا ارقالىق-ەسىل- قۇشمۇرىن تەلىمدەرىمەن جىبەرەدى. ەسىل-سارىاعاش 2044 شاقىرىمدى 57 ساعاتتا ءجۇرىپ وتسە, ەسىل-شىمكەنت باعدارىنداعى پويىز 1834 شاقىرىمدى 53 ساعاتتا ءجۇرىپ ءوتتى.
«باعدارلاردى جەرگىلىكتى استىق ترەيدەرلەرى جانە ۇن كاسىپورىندارى جوعارى باعالادى. تەحنولوگيا جۇك جونەلتۋشىلەرگە تاسىمالداۋدى ۇيىمداستىرۋ ارقىلى ەكونوميكالىق تابىستارعا جەتكىزەدى»,-دەيدى ادىلەت ايتبەك.
|
مارشرۋت |
شىعاتىن كۇنى |
شىعۋ ۋاقىتى |
جول ءجۇرۋ مەرزىمى |
باعدار جىلدامدىعى |
|
قوستاناي-گالابا |
4.11.17ج. |
14-00 ساع |
120 ساع |
651 كم/سۋت |
|
قوستاناي-گالابا |
5.11.17ج. |
13-40 ساع |
120 ساع |
651 كم/سۋت |
|
قوستاناي-گالابا |
7.11.17ج |
14-00 ساع |
120 ساع |
651 كم/سۋت |
|
ەسىل-سارىاعاش |
4.11.17ج. |
17-30 ساع |
57 ساع |
820 كم/سۋت |
|
ەسيل-شىمكەنت |
4.11.17ج. |
20-30 ساع |
53 ساع |
830 كم/سۋت |
|
|
|
|
|
|
بيىلعى قاراشادا قوستاناي وڭىرىندە 5607 ۆاگونعا استىق, 2181 ۆاگونعا ۇن تيەۋگە الدىن الا تاپسىرىس بەرىلگەن. وبلىستىق اكىمدىكتە استىق پەن ۇن تاسىمالداۋعا قاتىستى ماسەلە تۋىنداسا, جەدەل شەشۋگە ارنالعان شتاب قىزمەت ەتەدى. شتاب قۇرامىندا مەملەكەتتىك كىرىس, فيتوسانيتارلىق باقىلاۋ, ەلەۆاتورلار مەن جۇك جونەلتۋشىلەر, بارلىق تاسىمالداۋعا قاتىسۋشى تەمىرجول سالاسىنىڭ وكىلدەرى تارتىلعان.
