Gosreestr.kz سايتىنداعى مالىمەتكە سايكەس, كلۋبتىڭ العاشقى باعاسى 248 ملن 983 مىڭ تەڭگە بولىپ بەلگىلەنگەن. ءوڭىردىڭ قارجى باسقارماسى ساتىپ العان ادامنىڭ اتى ءجونىن ايتپادى. سەبەبى, ەسىمى جاريا بولعان جاعدايدا كلۋبتان باس تارتۋى مۇمكىن. بەلگىلىسى, اۋكتسيونعا 5 ادام قاتىسقان.
باسقارما وكىلدەرىنىڭ ايتۋلارىنشا, جاڭا قوجايىن باسقارۋعا سەنىپ تاپسىرىلعان ۋاقىت ىشىندە «ورداباسىنى» قارجىلاندىرۋعا 120 ملن تەڭگە قۇيا وتىرىپ, بارلىق جۇمىس ورىندارىن ساقتاپ قالۋى ءتيىس. كەيىننەن كلۋبتى تولىقتاي ساتىپ الا الادى.
ەسكە سالايىق, بۇل شىمكەنتتىك فۋتبول كلۋبىن ساتۋعا قاتىستى ەكىنشى ساۋدا-ساتتىق. وسى جىلدىڭ شىلدە ايىندا كلۋب ەلەكتروندى ساۋداعا قويىلىپ, جارتى ميلليارد تەڭگەگە ساتىلعان بولاتىن. دەگەنمەن ساتۋ-ساتىپ الۋ كەلىسىمشارتى سول كۇيىندە جۇزەگە اسپاي قالعان ەدى.
