كەزدەسۋ بارىسىندا ەكى مەملەكەتتىڭ الەۋمەتتىك-ەكونوميكالىق دامۋىنىڭ ءتۇرلى سالالارىنداعى ەكىجاقتى ىنتىماقتاستىق ماسەلەلەرى جانە اۋىل شارۋاشىلىعى, ونەركاسىپ, ەلەكتر ەنەرگەتيكاسى, قۇرىلىس, تۋريزم, كولىك جانە فارماتسەۆتيكا سالالارىندا, تەحنولوگيالىق جاڭعىرتۋدا, قالالانۋ, سۋ رەسۋرستارى جانە وزگە دە باعىتتاردا ناقتى ينۆەستيتسيالىق جوبالارىن ىسكە اسىرۋ ماسەلەلەرى تالقىلاندى.
انىقتاما: قازىرگى تاڭدا ەكى ەل اراسىنداعى تاۋار اينالىمى 2017 جىلدىڭ قاڭتار-تامىز ارالىعىندا $33,3 ملن قۇراپ, 2016 جىلدىڭ وسى كەزەڭىندەگى كورسەتكىشىنەن 2,4 ەسەگە اسىپ ءتۇستى. ءوزارا ساۋدا كولەمى 2016 جىلى $26,3 ملن قۇرادى. ەكسپورت قۇرىلىمى نەگىزىنەن اۋىل شارۋاشىلىعى ونىمدەرىنەن تۇرادى.
قازاقستاندا 24 سەرب كاسىپورنى تىركەلگەن, ولار نەگىزىنەن كوتەرمە جانە بولشەك ساۋدا, تۇرعىن ءۇي جانە تۇرعىن ەمەس عيماراتتار قۇرىلىسى سالاسىندا قىزمەت كورسەتەدى. سەربيا پرەمەر-ءمينيسترىنىڭ قر-عا 2016 جىلدىڭ 16 قاراشاسىنداعى جۇمىس ساپارى بارىسىندا قازاقستان مەن سەربيا اراسىنداعى ىنتىماقتاستىقتى دامىتۋدىڭ 2017–2018 جىلدارعا ارنالعان جول كارتاسىنا قول قويىلعان ەدى.
