«اقپارات جانە كوممۋنيكاتسيا مينيسترلىگىمەن بىرلەسىپ, مەملەكەتتىك ورگاندار مەن جەكە ۇيىمدارعا «ەلەكتروندى ۇكىمەت» پورتالى ارقىلى قىزمەت الۋشىنىڭ رۇقساتى بويىنشا انىقتاما بەرۋ قىزمەتىن جۇزەگە اسىرۋ جوسپارلانۋدا. اتالعان شارا حالىققا قىزمەت كورسەتۋ ورتالىقتارى قىزمەتكەرلەرىنىڭ قىزمەت كورسەتۋگە قاتىسۋىن جويادى. تۇرعىندار SMS ارقىلى اقپارات الۋ بويىنشا دەربەس شەشىم قابىلداي الادى», دەدى بايانداماشى. ونىڭ ايتۋىنشا, مەملەكەتتىك ورگاندار مەن جەكە ۇيىمدارعا, ەكىنشى دارەجەلى بانكتەرگە «ەلەكتروندى ۇكىمەت» پورتالى ارقىلى قىزمەت الۋشىنىڭ رۇقساتى بويىنشا انىقتاما بەرۋ ەلەكتروندى انىقتاما بەرۋدى 21,5 ميلليونعا قىسقارتادى.
«قازىرگى تاڭدا جاردەماقى تاعايىنداۋ كەزىندە بانك ەسەبىنىڭ ءنومىرىن كورسەتۋدى سۇرايدى. ينتەگراتسيا ناتيجەسىندە اتالعان انىقتامانى قىزمەت الۋشىلارعا الۋ ماڭىزدىلىعى جويىلادى. جالپى, «تسيفرلىق قازاقستان» باعدارلاماسىن جۇزەگە اسىرۋ اياسىندا مەملەكەتتىك كورپوراتسيا مەمورگاندارمەن بىرلەسىپ قىزمەت كورسەتۋدى بەلسەندىرۋگە كوشۋ باعىتىندا اۋقىمدى جۇمىستار جۇرگىزۋدە. بولاشاقتا بۇل قىزمەتتەر اۆتوماتتى تۇرگە اۋىسادى», دەدى باسقارما توراعاسى.
جاقىندا الماتى تۇرعىنى قالالىق حقكو قىزمەتكەرى بانك قىزمەتكەرىنە ول تۋرالى اقپارات بەرگەنىن كەزدەيسوق ءبىلىپ قالعانىن مالىمدەگەن بولاتىن. سودان كەيىن كورپوراتسيا وكىلدەرى مۇنداي جاعدايعا جول بەرىلمەۋ قاجەتتىگىن ايتىپ, كىنالىلەر جاۋاپقا تارتىلاتىنىن حابارلاعان. جۇمىس كەڭەسىندە اقپارات جانە كوممۋنيكاتسيالار ءمينيسترى داۋرەن اباەۆ كوپشىلىكتىڭ حالىققا قىزمەت كورسەتۋ ورتالىقتارىنا دەگەن سەنىمىن جوعالتىپ الماۋ كەرەكتىگىن باسا ايتتى. «بۇل – وتە ماڭىزدى قادام, بارلىعى جاۋاپكەرشىلىكتى تۇسىنەدى. ءبىزدىڭ حالىقتىڭ قىزمەت كورسەتۋ ورتالىقتارىنا دەگەن سەنىمدەرىنە سەلكەۋ تۇسىرمەگەنىمىز ابزال. مەنىڭ ويىمشا بۇل شارا بارلىعىمىزدى بىرىكتىرىپ, تاعى دا ساراپتامادان وتكىزۋگە جانە ناقتى اقپارات بەرۋگە مۇمكىندىك بەرەدى دەگەن ويدامىن», دەدى د.اباەۆ.
مينيستر «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ابىلايحان وسپانوۆقا ورىنباسارىنا سوگىس بەرۋدى تاپسىردى. سونىمەن قاتار مۇنداي جاعداي قايتالانباس ءۇشىن ون كۇن ىشىندە ناقتى ۇسىنىس دايارلاۋدى مىندەتتەدى.
اسحات رايقۇل,
«ەگەمەن قازاقستان»
