ۇلتتىق ەكونوميكا ۆيتسە-ءمينيسترى ايباتىر جۇماعۇلوۆ بايانداما جاساعان جيىنعا ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ جەتەكشىلىك ەتى. ايتا كەتەيىك, اتالعان زاڭ جوباسىنىڭ تانىستىرىلىمى «100 ناقتى قادام» ۇلت جوسپارىنىڭ 97-قادامىن ىسكە اسىرۋ ءۇشىن ازىرلەنگەن. وندا ءوزىن-ءوزى رەتتەۋدى دامىتۋ مەن مەملەكەتكە ءتان ەمەس فۋنكتسيالاردى باسەكەلەس ورتاعا بەرۋ ارقىلى ازاماتتاردىڭ شەشىمدەر قابىلداۋ پروتسەسىنە قاتىسۋ مۇمكىندىكتەرىن كەڭەيتۋگە باعىتتالعانى بەلگىلى. ال وزگەرىستەر مەن تولىقتىرۋلار 7 زاڭنامالىق اكتىگە, سونىڭ ىشىندە قازاقستان رەسپۋبليكاسىنىڭ 3 كودەكسىنە جانە 4 زاڭعا ەنگىزىلەدى دەپ جوسپارلانعان.
ناقتلاي تۇسسەك, زاڭ جوباسىندا: ەكولوگيالىق اۋديت سالاسىندا ءوزىن-ءوزى رەتتەۋدى ەنگىزۋمەن بايلانىستى ەكولوگيالىق كودەكە; «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىنە, سونىڭ ىشىندە ەكولوگيالىق اۋديت تۋرالى زاڭنامانى بۇزۋ جونىندەگى باپقا وزگەرىستەر ەنگىزۋ; «اكىمشىلىك راسىمدەر تۋرالى» قازاقستان رەسپۋبليكاسىنىڭ زاڭىنا مەملەكەتتىك ورگانداردىڭ فۋنكتسيالارىن باسەكەلەس ورتاعا بەرۋ بويىنشا نەگىزگى تاسىلدەردى بەكىتۋ; مەملەكەتتىك الەۋمەتتىك تاپسىرىس ارقىلى باسەكەلەس ورتاعا بەرىلگەن مەملەكەتتىك ورگاندار فۋنكتسيالارىنىڭ ىسكە اسىرىلۋى بويىنشا نورمالاردى, سونداي-اق ۇكىمەتتىك ەمەس ۇيىمداردىڭ قۇقىقتارى مەن مىندەتتەرىن بەكىتۋگە مۇمكىندىك بەرەتىن «قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىق اقىلار تۋرالى» قازاقستان رەسپۋبليكاسىنىڭ زاڭىنا; مەملەكەتتىك ورگانداردىڭ فۋنكتسيالارىن باسەكەلەس ورتاعا بەرۋ بولىگىندە كاسىپكەرلىك سۋبەكتىلەرىنىڭ زاڭدى مۇددەلەرىن ءبىلدىرۋ جانە قۇقىقتارىن قورعاۋ بويىنشا قوسىمشا فۋنكتسيالاردى بەكىتە وتىرىپ, «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ قاراستىرىلادى.
زاڭ جوباسىن تالقىلاۋعا مەملەكەتتىك ورگانداردىڭ, ساياسي پارتيالاردىڭ, ۇكىمەتتىك ەمەس ۇيىمداردىڭ وكىلدەرى مەن ساراپشىلار قاتىستى.
زاڭ جوباسى بويىنشا تۇزەتۋلەردى ودان ءارى قاراستىرۋ جۇمىسى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ايزادا قۇرمانوۆا جەتەكشىلىك ەتەتىن جۇمىسشى توپتا ءوز جالعاسىن تابادى.
