قر ءىىم «سۋ تاسقىنى قاۋپىنىڭ الدىن الۋ جانە ولاردى جويۋ بويىنشا 2017–2020 جىلدارعا ارنالعان شارالار كەشەنى» جول كارتاسىنىڭ ورىندالۋىنا مونيتورينگ جۇرگىزەدى. جول كارتاسىندا بارلىعى 862 ءىس-شارا, ونىڭ ىشىندە اۋماقتار مەن ەلدى مەكەندەردى تاسقىن سۋلاردىڭ زياندى اسەرىنەن قورعاۋدى قامتاماسىز ەتۋ, گيدروتەحنيكالىق قۇرىلىستاردى جوندەۋ بويىنشا, سونداي-اق ۇلتتىق گيدرومەتەورولوگيالىق قىزمەتتى دامىتۋ مەن جاڭعىرتۋ ماسەلەلەرى كوزدەلگەن.
ىشكى ىستەر مينيسترلىگىنە جول كارتاسىنىڭ كەلەسى ءىس-شاراسىن ورىنداۋ جۇكتەلگەن — «استانا قالاسىن ەسىل وزەنىنىڭ تاسقىن سۋى باسۋىنان قورعاۋ» وبەكتىسىندە قوسىمشا بەرمالاردى ەنگىزۋ.
«قازىرگى ۋاقىتتا جوسپاردى قارجىلاندىرۋ شەڭبەرىندە 2017 جىلعى 10 قىركۇيەكتەن ۇزىندىعى 2,5 شاقىرىم بوگەننىڭ ەكى ۋچاسكەسىندە بەرمالاردى قۇرۋ بويىنشا جۇمىستار باستالدى, ورىندالعان جۇمىستاردىڭ كولەمى 80% استامدى قۇرايدى», - دەپ اتاپ ءوتتى ق. قاسىموۆ.
قازگيدرومەتكە كەلەسى جىلعى تاسقىن كەزەڭىندە قىسقى-كوكتەمگى كەزەڭدە جەتۋى قيىن جەرلەردە ولشەۋلەر مەن زەرتتەۋلەر جۇرگىزۋ ءۇشىن وتىمدىلىگى جوعارى كولىكتى ءبولۋ تۋرالى شەشىم قابىلدادى.
تاسقىننان زارداپ شەككەن پەتروپاۆل قالاسىندا ۇكىمەت رەزەرۆىنىڭ قاراجاتى ەسەبىنەن كوجەۆەننىي اۋىلىنداعى جالپى ۇزىندىعى 3,1 كم قورشاۋ بوگەنىن جوندەۋ جۇرگىزىلۋدە.
«بۇگىنگى كۇنى اتقارىلعان جۇمىستاردىڭ كولەمى شامامەن 80%-دى قۇرايدى جانە قۇرىلىستىڭ وسىنداي قارقىنى ساقتالعان جاعدايدا, جۇمىستار اعىمداعى جىلعى 10 جەلتوقسانعا قاراي اياقتالاتىن بولادى», - دەپ باياندادى ق. قاسىموۆ.
اۋىل شارۋاشىلىعىنىڭ ءبىرىنشى ۆيتسە-ءمينيسترى ق. ايتۋعانوۆ, سۋ تاسقىنى قاۋپىنىڭ الدىن الۋ ماقساتىندا اشم جانىنان سۋ تاسقىنىنا قارسى كوميسسيا قۇرىلدى, بارلىق رەسپۋبليكالىق سۋ قويمالارىندا كەزەكشىلىك كەستەسى بەكىتىلدى, باسسەين ينسپەكتسيالارىنا بيىل قاراشا ايىنىڭ سوڭىنا دەيىن رەسپۋبليكالىق مەنشىكتەگى گيدروتەحنيكالىق نىسانداردى ىقتيمال سۋ تاسقىنى قاۋپىنە قاتىستى تەكسەرۋدى اياقتاۋ تاپسىرىلدى.
وتىرىس بارىسىندا اقمولا وبلىسىنىڭ اكىمى م. ءمىرزاليننىڭ, سولتۇستىك قازاقستان وبلىسى اكىمى ق. اقساقالوۆتىڭ, شىعىس قازاقستان وبلىسىنىڭ اكىمى د. احمەتوۆتىڭ, قاراعاندى وبلىسى اكىمى ە. قوشانوۆتىڭ, الماتى وبلىسى ا. باتالوۆتىڭ, وڭتۇستىك قازاقستان وبلىسىنىڭ اكىمى ج. تۇيمەباەۆتىڭ, قىزىلوردا وبلىسىنىڭ اكىمى ق. كوشەرباەۆتىڭ, جامبىل وبلىسىنىڭ اكىمى ك. كوكىرەكباەۆتىڭ ەسەپتەرى تىڭدالدى.
تالقىلاۋ قورىتىندىسى بويىنشا باقىتجان ساعىنتاەۆ پرەمەر-ءمينيستردىڭ ءبىرىنشى ورىنباسارى اسقار مامينگە بارلىق ماسەلەلەردى وڭىرلەردىڭ باسشىلارىمەن سەلەكتورلىق كەڭەستە جەتە تالقىلاۋدى تاپسىردى. قارجى مينيسترلىگىنە جول كارتاسى بويىنشا اقشالاي قاراجاتتى ۋاقىتىلى ءبولۋ ماسەلەلەرى جۇكتەلدى. سۋ تاسقىنىنا قارسى قاۋىپتىڭ الدىن الۋ بويىنشا جول كارتاسىنىڭ ورىندالۋىن باقىلاۋ پرەمەر-ءمينيستردىڭ ءبىرىنشى ورىنباسارى اسقار مامينگە جۇكتەلدى.
