«كەڭەستىڭ جانىندا ەكى كوميسسيا قۇرىلدى, ءبىرى – زاڭ شىعارۋ قىزمەتى ماسەلەلەرى بويىنشا, بۇل كوميسسيا ءىىم ازىرلەيتىن ازاماتتاردىڭ قۇقىقتارىنا, بوستاندىقتارىنا جانە قۇقىقتارىنا قاتىستى نورماتيۆتىك قۇقىقتىق اكتىلەردىڭ جوبالارىن قارايدى, ەكىنشى كوميسسيا ازاماتتاردىڭ ارىزدارىن جانە پوليتسيا جۇمىسىنىڭ اشىقتىعىن قاراستىرادى. قوعامدىق كەڭەس زاڭدا كوزدەلگەن قوعامدىق باقىلاۋدىڭ 4 نىسانىن بەلسەندى ىسكە اسىرادى. ولار, قوعامدىق مونيتورينگ, قوعامدىق تىڭداۋ, قوعامدىق ساراپتاما, مەملەكەتتىك ورگاننىڭ ەسەبىن تىڭداۋ. قوعامدىق مونيتورينگ اۋماقتىق ورگانداردىڭ قىزمەتىن جان-جاقتى زەردەلەۋ ءۇشىن وڭىرلەرگە شىعۋ جانە قۇقىقتىق ناسيحات جۇرگىزۋ ارقىلى جۇزەگە اسىرىلادى. 2016-2017 جىلدارى 18 مونيتورينگ جۇرگىزىلدى, ياعني قاراعاندى, شىعىس قازاقستان, الماتى, قوستاناي, سولتۇستىك قازاقستان, باتىس قازاقستان, اقتوبە, ماڭعىستاۋ جانە اتىراۋ وبلىستارىنىڭ, الماتى قالاسىنىڭ ءىىد مەن جەرگىلىكتى پوليتسيا قىزمەتى جۇمىستارى سارالاندى. مونيتورينگ جۇرگىزۋ كەزىندە قوعامدىق كەڭەس مۇشەلەرى بولىنىستەردىڭ جۇمىسىمەن تانىستى, جەكە قۇرامنىڭ نازارىنا كەڭەستىڭ اعىمدىق جۇمىسى, كريمينالدىق تسيكل سالاسىندا الدا تۇرعان وزگەرىستەر مەن تولىقتىرۋلار تۋرالى اقپارات جەتكىزىلدى. مونيتورينگ ناتيجەلەرى كەڭەستىڭ وتىرىستارىندا پايدالانىلدى, قىزمەتتىك جازبامەن مينيسترگە جانە وبلىس اكىمدەرىنە باياندالدى», دەپ اتاپ ءوتتى ىشكى ىستەر ورگاندارى قىزمەتىنىڭ ماسەلەلەرى جونىندەگى قوعامدىق كەڭەستىڭ توراعاسى مارات قوعاموۆ.
ايتا كەتەتىن تاعى ءبىر جايت, «قوعامدىق كەڭەس تۋرالى» زاڭعا سايكەس 2016 جىلى ءىىم-دە ىشكى ىستەر ورگاندارىنىڭ قىزمەتى ماسەلەلەرى جونىندەگى قوعامدىق كەڭەس قۇرىلدى. ونىڭ قۇرامىنا 18 مۇشە كىردى.
راۋان قايدار,
«ەگەمەن قازاقستان»
