قۇجات ەرەجەسىنە سايكەس, «قازاقمىس كورپوراتسياسى» جشس Bank RBK كاپيتالىنا 160 ملرد تەڭگە سالۋ تۋرالى شەشىم قابىلدادى. ءوز كەزەگىندە, قر ۇلتتىق بانكى جاقىن ارادا بانكتىڭ شامامەن 240 ملرد تەڭگە سوماسىندا بانك سەكتورىنىڭ قارجىلىق تۇراقتىلىعىن ارتتىرۋ باعدارلاماسىنا قاتىسۋ تۋرالى ءوتىنىمىن قارايدى.
Bank RBK قالىپقا كەلتىرۋ ماقساتىندا شامامەن 600 ملرد تەڭگە سوماسىنداعى پروبلەمالىق زايمداردى جەكە ارنايى قۇرىلعان كومپانياعا بەرۋ تۋرالى شەشىم قابىلداندى. سونداي-اق, تاراپتار RBK بانكىنىڭ كۆايمەملەكەتتىك قۇرىلىم دەپوزيتتەرىن قايتارۋى پروبلەمالىق زايمداردى قايتارۋ شاماسى بويىنشا جۇرگىزىلەدى دەپ كەلىستى.
Bank RBK وتىمدىلىكتىڭ تۇسۋىنە قاراي الەۋمەتتىك تۇرعىدان ماڭىزدى تولەمدەر بويىنشا مىندەتتەمەلەردى ورىنداي باستايدى.
اتالعان جانە وزگە دە كەشەندى شارالاردى ىسكە اسىرۋ Bank RBK-نى قارجى قىزمەتتەر نارىعىندا تۇراقتى ءارى سەنىمدى سەرىكتەس ەتىپ, بانكتى تۇتاستاي قالىپقا كەلتىرىپ, وتىمدىلىكتى جۇيەلەندىرۋگە مۇمكىندىك بەرەدى.
2017 جىلعى 1 قازانداعى جاعداي بويىنشا «Bank RBK» اق اكتيۆتەرى 970,7 ملرد تەڭگەنى قۇراعان, قارىز پورتفەلى — 717,8 ملرد تەڭگە, كليەنتتەر قاراجاتى — 570,4 ملرد تەڭگە, سونىڭ ىشىندە جەكە تۇلعالاردىڭ سالىمدارى — 194,5 ملرد تەڭگەنى قۇرايدى. ەسەپ بەرۋ كۇنىندەگى Bank RBK جەكە كاپيتالى 97,6 ملرد تەڭگەنى, جارعىلىق كاپيتال — 64,4 ملرد تەڭگەنى قۇراعان. 2017 جىلدىڭ 9 ايىنداعى بانك كىرىسى 3,1 ملرد تەڭگەنى قۇراعان. بانك استانا, الماتى, اقتاۋ, اقتوبە, اتىراۋ, قاراعاندى, كوكشەتاۋ, پاۆلودار, تالدىقورعان, وسكەمەن, شىمكەنت, سەمەي جانە ەكىباستۇز قالالارىندا بار.
