بيىل تامىز ايىندا قر پارلامەنتىنە ءمجا تەتىكتەرىن ودان ءارى جەتىلدىرۋ مەن جەڭىلدەتۋ بويىنشا زاڭ جوباسى ۇسىنىلدى. ءماجىلىس اتالعان زاڭ جوباسىن ماقۇلدادى جانە قازىرگى تاڭدا ول پارلامەنت سەناتىنىڭ قاراۋىنا جىبەرىلگەن.
زاڭ جوباسى بىرقاتار ازىرلەۋ كەزەڭدەرىن الىپ تاستاۋ ارقىلى راسىمدەردى وڭتايلاندىرىپ, جوبالاردى بەكىتۋگە باعىتتالعان. بۇل ءمجا جوبالارىنىڭ بەكىتۋ جانە ساراپتامالار مەرزىمدەرىن قازىرگى جەتى ايدان ءۇش ايعا دەيىن قىسقارتۋعا مۇمكىندىك بەرەدى.
بۇدان وزگە, زاڭ جوباسىندا تۇتىنۋ كەپىلدىگىن ءۇش جانە ودان كوبىرەك جىلعا بەرۋ قاراستىرىلعان. ول ينۆەستورلاردىڭ كوپ جىلدىق كاپيتال جۇمسالىمىن جوسپارلاۋعا مۇمكىندىك بەرەدى.
جالپى, بۇرىن ازىرلەنگەن 10 ۇلگىلىك جوباعا جاڭا كەلىسىمشارتتار تۇرلەرى بويىنشا ءتورت قوسىمشا جوبا ازىرلەندى: اۆتوموبيل جولدارىنا سەرۆيستىك قىزمەت كورسەتۋ, مەديتسينالىق جابدىقتار ليزينگى, ەمحانانى سەنىمگەرلىكپەن باسقارۋ, مەكتەپتەرگە سەرۆيستىك قىزمەت كورسەتۋ. ەندى وڭىرلەر كورسەتىلگەن قۇجاتتامانى ۇلگى رەتىندە پايدالانا الادى. بۇل كونكۋرستىق قۇجاتتاما مەن شارتتاردى ازىرلەۋ مەرزىمىن وڭتايلاندىرۋعا مۇمكىندىك بەرەدى.
بۇدان وزگە, باعدارلامالىق ءمجا ەنگىزۋ جۇمىستارى باستالدى. قازىر سالالىق مەملەكەتتىك ورگاندار مەملەكەتتىك باعدارلامالار ارقىلى وزدەرىنىڭ ستاندارتتالعان ءمجا جوبالارىن ەرەكشە جوسپارلاۋ راسىمدەرىن سالالىق ەرەكشەلىكتەردى ەسكەرىپ ورناتا الادى. اتالعان تەتىك جالپىعا بەلگىلەنگەن تارتىپتە قاراستىرىلعان, ساراپتامادان ءوتۋ قاجەتىنسىز, جوسپارلاۋدى قىسقا مەرزىمدە بەلگىلەۋگە مۇمكىندىك بەرەدى.
بيىل مامىر ايىندا ينۆەستورلارعا ارنالعان ءمجا جوبالارىنىڭ بىرىڭعاي بازاسى ىسكە قوسىلدى, ول رەسپۋبليكا بويىنشا ءساتتى ىسكە اسىرىلعان جوبالاردىڭ تاجىريبەسىن تيراجداۋعا مۇمكىندىك بەرەدى. وسى جىلى قول قويىلعان كەلىسىمشارتتار بويىنشا ەلەۋلى ىلگەرىلەۋ بايقالۋدا. سونىمەن قاتار ءمجا نارىعىن ودان ءارى جانداندىرۋ ءۇشىن «باعدارلامالىق ءمجا» ىسكە اسىرۋ ءۇشىن پيلوتتىق سالالاردى ازىرلەۋ جۇمىستارى جۇرگىزىلىپ جاتىر: سەنىمگەرلىك باسقارۋعا بەرۋگە جاتاتىن نىسانداردىڭ جانە جاڭا نىساندار بويىنشا 2016–2019 جىلدارعا ارنالعان «دەنساۋلىق» مەملەكەتتىك باعدارلاماسى اياسىندا دايىن جوبالىق-سمەتالىق قۇجاتتامانىڭ بولۋىن ەسكەرۋ ارقىلى دەنساۋلىق ساقتاۋ سالاسىندا, سونداي-اق, 2016–2019 جىلدارعا ارنالعان ءبىلىم مەن عىلىمدى دامىتۋ مەملەكەتتىك باعدارلاماسى اياسىندا ورتا ءبىلىم بەرۋدە «جان باسىنا شاققانداعى قارجىلاندىرۋ» جۇيەسىن ەنگىزۋ بويىنشا پىسىقتالىپ جاتقان ماسەلەنى ەسكەرۋ ارقىلى ءبىلىم بەرۋ سالاسىندا ىسكە اسىرىلادى.
وتىرىس بارىسىندا اتقارىلعان جۇمىستاردىڭ ارالىق قورىتىندىسى تۋرالى قر دەنساۋلىق ساقتاۋ ءمينيسترى ەلجان ءبىرتانوۆ, ينۆەستيتسيالار جانە دامۋ ءمينيسترى جەڭىس قاسىمبەك, «اتامەكەن» ۇكپ باسقارما توراعاسى ابىلاي مىرزاحمەتوۆ, قر ۇلتتىق بانكى توراعاسى دانيار اقىشەۆ, قاراعاندى وبلىسىنىڭ اكىمى ەرلان قوشانوۆ, باتىس قازاقستان وبلىسىنىڭ اكىمى التاي كولگىنوۆ, پرەمەر-مينيستر ورىنباسارى ەربولات دوساەۆ باياندادى.
ماسەلەنى قاراۋ قورىتىندىسى بويىنشا باقىتجان ساعىنتاەۆ ۇلتتىق ەكونوميكا مينيسترلىگىنە جوبالاردى ىرىكتەۋ كريتەريىن پىسىقتاپ, بارلىق ۇيىمداستىرۋ شارالارىن رەتتەپ وتىرۋدى تاپسىردى. جىل سوڭىنا قاراي بارلىق باعىتتار, وبلىستار مەن مينيسترلىكتەر بويىنشا كورسەتىلگەن ينديكاتورلارعا قول جەتكىزۋ قاجەت.
