ۇلتتىق ەكونوميكا ءمينيسترى تيمۋر سۇلەيمەنوۆ جالپى 139,5 ملرد تەڭگە سوماعا 116 ءمجا كەلىسىمشارتى جاسالعانىن باياندادى. 70 ملرد تەڭگە سوماعا 53 نىسان پايدالانۋعا بەرىلدى, 69,5 ملرد تەڭگە سوماعا تاعى 63 نىسان سالىنىپ جاتىر. ولاردىڭ ىشىندە 45 ءبىلىم بەرۋ نىسانى, 27 دەنساۋلىق ساقتاۋ, 17 مادەنيەت جانە سپورت نىسانى, 7 سەرۆيستىك-دايىنداۋ ورتالىعى, «اقىلدى قالا», ەنەرگەتيكا جانە جولاۋشىلار تاسىمالدارى سالاسىنداعى 3 رەسپۋبليكالىق جوبا بار.
جاسالعان كەلىسىمشارتتار سانى بويىنشا كوشباسشىلار قاراعاندى, قوستاناي جانە وڭتۇستىك قازاقستان وبلىستارى. وعان قوسا, ينۆەستيتسيالار كولەمى بويىنشا (جوبالاردىڭ قۇنى بويىنشا) كوشباسشىلار اقتوبە وبلىسى جانە استانا قالاسى بولىپ تابىلادى.
قوسىمشا, مەملەكەتتىك ورگانداردىڭ ەسەپتەرىنە سايكەس, دايىندىقتىڭ ءتۇرلى كەزەڭدەرىندە جالپى 1,7 ترلن تەڭگە سوماعا تاعى 431 جوبا بار. ولاردىڭ ىشىندە رەسپۋبليكالىق دەڭگەيدەگى 15 جوبا پىسىقتالۋدا, جەرگىلىكتى دەڭگەيدە 760,6 ملرد تەڭگەگە 416 وڭىرلىك جوبا دايىندالىپ جاتىر.
