قازىرگى ۋاقىتتا «ماڭعىستاۋ وبلىستىق مەملەكەتتىك-جەكە مەنشىك ارىپتەستىك ورتالىعى» ەكونوميكانىڭ ءارتۇرلى سالالارىندا جالپى قۇنى 273 ملرد. تەڭگە بولاتىن 47 جوبالارىن ىسكە اسىرۋدى دايىندايدى جانە كەڭەس بەرەدى.
ماڭعىستاۋ وبلىستىق ءبىلىم باسقارماسى باسشىسى زەينەپ تاستەمىروۆا تەحنيكالىق جانە كاسىپتىك ءبىلىم بەرۋ ۇيىمدارىندا مامانداردى دايارلاۋدى ىسكە اسىرۋ تۋرالى باياندادى. بۇگىندە وبلىسىندا 26 تەحنيكالىق-كاسىپتىك ءبىلىم بەرۋ ۇيىمىندا 22 مىڭعا جۋىق ستۋدەنت وقىپ جاتىر. ونىڭ 13 مىڭعا جۋىعى - مەملەكەتتىك تاپسىرىس بويىنشا بيۋدجەت ەسەبىنەن, ال قالعان 9 مىڭى - اقىلى تۇردە ءبىلىم الۋدا. كوللەدجدەردە ءبىلىم بەرۋ باعدارلامالارىن باعالاۋ بويىنشا كەزەڭ-كەزەڭمەن اككرەديتتەۋ پروتسەسى جۇرگىزىلىپ جاتىر. اككرەديتتەۋ بۇل ۇيىمنىڭ قىزمەتىن حالىقارالىق ءبىلىم بەرۋ ستاندارتتارىنا سايكەستەندىرۋ. بۇگىندە, اككرەديتتەۋدەن وتكەن كوللەدجدەر – 5, بۇل رەسپۋبليكالىق كورسەتكىشتەن 9,3%-عا ارتىق. مامانداردى دايىنداۋ 91 ماماندىقتا, 169 بىلىكتىلىك بويىنشا ىسكە اسىرىلادى. 2017 جىلى تەحنيكالىق جانە كاسىپتىك ءبىلىم ۇيىمدارىندا 4550 تۇلەك ءبىتىردى. ونىڭ 3599 جۇمىسقا ورنالاسقاندار مەن ءوزىن-ءوزى قامتىعاندار, ياعني 79,1% قامتىلىپ وتىر. 451 ستۋدەنتتى «جاڭا سەرپىن» ورتالىعىمەن قايتا دايارلاۋدان وتكىزۋ ارقىلى جۇمىسقا ورنالاستىرۋ جۇمىستارى جۇرگىزىلۋدە.
الەمدىك تاجىريبە - اۋىل شارۋاشىلىعىنداعى ساندىق تەحنولوگيانى پايدالانۋ ۇلتتىق ەكونوميكاسىنا ماڭىزدى رەسۋرستارىنىڭ ءبىرى بولاتىندىعىن كورسەتەدى. اگرو ونەركاسىپ كەشەنى جۇيەسىندە جەرگىلىكتى اتقارۋشى ورگانداردىڭ بيزنەس-پروتسەستەرىن اۆتوماتتاندىرۋدىڭ كومپلەكستىك شەشىمى بولىپ تابىلاتىن بىرىڭعاي اۆتوماتتاندىرىلعان باسقارۋ جۇيەسى پايدالانىلۋدا دەدى, وبلىستىق اۋىلشارۋاشىلىعى باسقارماسى باسشىسىنىڭ مىندەتىن اتقارۋشى سەرىك قالدىگۇل. بابج-ءنىڭ 3 جۇيەلىك تارماعى بار. «وسىمدىكتەردى كارانتينى» پورتالى, «كەدەندىك وداقتىق ونىمدەرىن تاسىمالداۋداعى ۆەتەرينارلىق قاۋىپسىزدىگى» پورتالى, «اۋىل شارۋاشىلىعى تەحنيكاسىن مەملەكەتتىك تىركەۋدەن وتكىزۋ» جۇيەلىك تارماعى. جىلدىڭ باسىنان 1088 فيتوسانيتارلىق جانە 147 كارانتيندىك سەرتيفيكاتتار بەرىلگەن. وسى جىلدىڭ 10 اي ىشىندە وبلىس بويىنشا 8616 ۆەتەرينارلىق انىقتامالار بەرىلگەن. 95 ۆەتەرينارلىق – سانيتارلىق قورىتىندىلار, ۆەتەرينارلىق – سانيتارلىق باقىلاۋدىڭ 91 تىركەلۋ نومىرلەرى. قازىرگى ۋاقىتتا 8189 ماماندىرىلعان تەحنيكا تىركەلىپ تۇر دەدى, سەرىك قالدىگۇل.
ەلىمىزدىڭ 2015-2019 جىلدارعا ارنالعان يندۋستريالىق-يننوۆاتسيالىق دامۋ مەملەكەتتىك باعدارلاماسىندا ەڭ دامىعان 30 ەل قاتارىنا ەنۋ كوزدەلگەن. وسى ماقساتتا وبلىس بويىنشا وڭدەۋ ونەركاسىبى ونىمدەرىن ەكسپورتتاۋ 51,3%-عا ۇلعايتۋ, ينۆەستيتسيا كولەمىن 98 ملرد.تەڭگەگە جانە ەڭبەك ونىمدىلىگىن ءبىر ادامعا شاققاندا 15 مىڭ دوللارعا جەتكىزۋ جوسپاردا بار. بۇگىنگى تاڭدا وبلىستا نەگىزگى كاپيتالعا سالىنعان ينۆەستيتسيا كولەمى 2017 جىلدىڭ 9 اي قورىتىندىسى بويىنشا 312,9 ملرد. تەڭگەنى قۇرادى. وبلىستىق يندۋستريالىق-يننوۆاتسيالىق دامۋ باسقارماسى باستىعىنىڭ مىندەتىن اتقارۋشى نۇربەك قاراساەۆ. رەسپۋبليكالىق دەڭگەيدە وبلىس بەسىنشى قاتاردا ورنالاسىپ وتىر, بۇل 2016 جىلمەن سالىستىرعاندا 7 % ءوستى – دە وبلىستا ورنالاسقان ەكسپورتتاۋشى نەگىزگى كومپانيالاردىڭ 2017 جىلدىڭ 9 ايىنا شىعارىلعان ءونىم كولەمى 11,2 ملن. اقش دوللارى (3,9 ملرد تەڭگە), وتكەن جىلدىڭ 9 ايىمەن سالىستىرعاندا 18,4% ءوسىپ وتىر.
اپپاراتتىق جيىن سوڭىندا ءوڭىر باسشىسى بىرقاتار باسقارما باسشىلارىنا ناقتى تاپسىرما بەردى, دەلىنگەن ءباسپاسوز حابارلاماسىندا.
گۇلايىم شىنتەمىرقىزى,
«ەگەمەن قازاقستان»
