ءبىر جارىم ساعاتقا سوزىلعان اسەرلى كەشتى اۋداننىڭ 500-دەن استام تۇرعىنى تاماشالادى. ايتا كەتەيىك, جاقىندا وبلىستا «مەنىڭ مەكتەبىم» اكتسياسى باستالعان ەدى. اۋىل مەكتەپتەرىن تۇلەتۋ باعىتىندا قولعا الىنعان تاعىلىمدى شاراعا ارنايى قاتىسقان حالىق ءارتىسى سول كەزدە ءوزى وقىعان مەكتەپكە ءبىر ميلليون تەڭگە سىيلايتىنىن ايتقان بولاتىن. تۋعان جەرگە تاعزىم جاساپ, وزگەلەرگە ۇلگى بولعان انشىگە جەرلەستەرى دە لايىقتى قۇرمەت كورسەتتى. اۋدان اكىمى نۇرلان سىدىقوۆ شارا بارىسىندا پەرزەنتتىك پارىزىن ۇمىتپاعان ونەرپازدى 60 جىلدىق مەرەيتويىمەن قۇتتىقتاپ, «جارما اۋدانىنىڭ قۇرمەتتى ازاماتى» اتاعىن سالتاناتتى تۇردە تابىس ەتتى.
ء«وزىم ءومىر ەسىگىن اشقان وڭىرگە كەلىپ, كونتسەرت بەرگەنىمە, جەرلەستەرىممەن جۇزدەسكەنىمە شىن جۇرەكتەن قۋانىشتىمىن. تۋىپ-وسكەن مەكەنىم ادام تانىماستاي وزگەرگەن ەكەن. اسىرەسە ءوزىم ەڭبەك جولىن باستاعان مادەنيەت ءۇيى دە جاڭا كەلبەتكە ەنىپ, بىلىكتى ونەرپازدارمەن تولىعىپتى. تۋعان كۇنىمدى جەرلەستەرىمنىڭ ورتاسىندا اتاپ وتكەنىم ءۇشىن باقىتتىمىن», دەيدى ءانشى.
ازامات قاسىم,
«ەگەمەن قازاقستان»
شىعىس قازاقستان وبلىسى,
جارما اۋدانى
