ءاربىر ولكەنىڭ حالقىنا سۋىقتا پانا, ىستىقتا سايا بولعان, ەسىمدەرى ەل ەسىندە ساقتالعان ءبىرتۋار پەرزەنتتەرى بار. وسىنىڭ ءبارىن جاس ۇرپاق ءبىلىپ وسۋگە ءتيىس», دەپ اتاپ كورسەتكەن بولاتىن.
ەلباسى ايتقانداي, ءپاتريوتيزمنىڭ ەڭ جاقسى ۇلگىسى ءاربىر اۋىلدا ەسىمدەرى ەل ەسىندە ساقتالعان, جۇرەگىنىڭ تۇبىنەن ورىن الاتىن ءبىرتۋار پەرزەنتتەرى بار. ءبىزدىڭ ايتقالى وتىرعان كەيىپكەرلەرىمىز دە سول قاتاردان. ولار – العاباس اۋىلىنىڭ ارداگەر ۇستازدارى, ۇستازداردىڭ «ۇستازى» بولعان بايعابىل سمايلوۆ پەن جالعاس سيداعاليەۆ ەدى. بۇل ۇستازداردىڭ اۋىلىمىزدىڭ وقۋ-تاربيە ءىسىن وركەندەتۋ بارىسىنداعى قاجىماس ەڭبەكتەرى ەلەنىپ, وزدەرى تۇرعان كوشەلەرىنە اۋىل تۇرعىندارىنىڭ ىستىق ىقىلاسىمەن ەسىمدەرى بەرىلگەن بولاتىن. العاباس ورتا مەكتەبىنىڭ (كيروۆ ورتا مەكتەبى) ديرەكتورى بولعان بايعابىل سمايلوۆتىڭ ەسىمى, ءوزىنىڭ كوزى تىرىسىندە 70-جىلداردىڭ اياعىندا اۋدانىمىزدىڭ ايگىلى مۇراجايىنان ورىن تەپكەن ەدى. ال 42 جىل باستاۋىش سىنىپ مۇعالىمى بولعان جالعاس سيداعاليەۆتەن اۋىل اقساقالدارىنان باستاپ, نەمەرەلەرىنە دەيىن اۋىل تۇرعىنىنىڭ 85%-ى ءبىلىم الدى دەسەك, ارتىق ايتقاندىق ەمەس.
اقجايىق اۋدانى العاباس اۋىلىنىڭ اكىمى تەمىربولات قايرات ۇلىنىڭ قولداۋىمەن اۋىلدا «رۋحاني جاڭعىرۋ» بەلگىسىز سەبەپتەرمەن وسى اتالعان ارداگەر ۇستازدار اتىنداعى كوشەنىڭ اتىن وزگەرتۋدەن باستالدى. بۇل ارەكەت اۋىل تۇرعىندارىنا عانا ەمەس, ەلىمىزدىڭ تۇكپىر-تۇكپىرىندە قىزمەت ەتكەن نەمەسە زەينەتكەرلىككە شىققان تالاي جانعا وزىنە وي سالدى. بىرنەشە ۇرپاقتىڭ ساناسىنا ساۋلە سەپكەن ۇستازدار ارۋاعىنىڭ الدەكىمدەردىڭ الدىندا نە جازىعى بولعانى بىزگە تۇسىنىكسىز. اۋىلدا ولاردان باسقا دا ەڭبەگى مەن ەرلىگى ەلەنگەن تۇلعالاردىڭ كوشەگە ەسىمدەرى بەرىلگەنىن اتاپ كەتكىمىز كەلدى. سول اۋىل پەرزەنتتەرىنىڭ ىشىندە ەتىگىمەن قان كەشكەن كەشەگى سۇراپىل سوعىستاعى كەڭەس وداعىنىڭ باتىرى ەسەن شەگرەي ۇلى وراقباەۆ تا بار. ونىڭ دا ەسىمىنە كۇمان تۋدىرىپ, اۋدانىمىزدىڭ قايبىر شەنەۋنىكتەرى مەن اۋىل اكىم-قارالارىنىڭ وراقباەۆ ەسىمىن ءبىرجولا جويۋعا اتسالىسقانى دا كوڭىلىمىزگە قاياۋ ءتۇسىرىپ, قابىرعامىزعا باتتى. بۇل رۋحاني جاڭعىرۋ ما, الدە رۋحاني ازعىندالۋ ما؟ ارا-جىگىن وبلىس باسشىلارى ايقىنداپ بەرەدى دەگەن ۇمىتتەمىز. «رۋحاني جاڭعىرۋدى» سىلتاۋ ەتىپ, كوشە اتتارىن وزگەرتۋگە بولا ما؟
قايسار جالعاس ۇلى,
العاباس ورتا مەكتەبى فيزيكا جانە ينفورماتيكا ءپانىنىڭ مۇعالىمى
باتىس قازاقستان وبلىسى,
اقجايىق اۋدانى
