«مەملەكەت باسشىسى اتاپ وتكەندەي, اگرارلىق سەكتور ەكونوميكالىق ءوسىمنىڭ قوزعاۋشى كۇشى بولۋى كەرەك. بۇل سالاداعى جالپى ءونىم كورسەتكىشتەرى وبلىسىمىزدىڭ رەسپۋبليكا بويىنشا ءبىرىنشى ورىندا تۇرعانىن ايعاقتايدى, ياعني 17 پايىزدى قۇرايدى. ءسوزىمدى ناقتى دەرەكتەرمەن شەگەلەي تۇسسەم, بۇكىل قازاقستانداعى سويانىڭ 97 پايىزى الماتى وبلىسىندا وسىرىلەدى. جۇگەرى مەن قانت قىزىلشاسىنىڭ 64 پايىزى, جەمىس-جيدەكتىڭ 37 پايىزى, كوكونىستىڭ 25 پايىزى, ەت ونىمدەرىنىڭ 20 پايىزى, ءسۇت ونىمدەرىنىڭ 13 پايىزى جانە جۇمىرتقانىڭ 23 پايىزى جەتىسۋ جەرىنە تيەسىلى», دەدى اكىم.
اۋىل شارۋاشىلىعى داقىلدارىنىڭ كولەمى 948 مىڭ گەكتاردى قۇراسا, ونىڭ ىشىندە 17 پايىزدان استامى وزىق تەحنولوگيالاردى پايدالانا وتىرىپ وڭدەلەدى ەكەن. ايماق باسشىسىنىڭ سوزىنە قاراعاندا, وبلىس بۇگىندە ەلىمىزدىڭ قىزىلشا ءوسىرۋ ايماعىنا اينالعان.
بيىل ەگىستىك اۋدانى 9 مىڭ گەكتارعا جەتىپ ۇلگەرگەن. «كوكسۋ» قانت زاۋىتى ءۇشىنىشى جىل ءوز جۇمىسىن ءساتتى اياقتاپ, تولىقتاي جاڭارتىلدى. جىلىنا 300 مىڭ توننا ءونىم بەرەتىن «اقسۋ» قانت زاۋىتى دا وسى قاتاردا.
