ەسكە سالا كەتەتىن بولساق, وندا كەپىلگەر مەملەكەتتەر تۇركيا مەن يران دەلەگاتسياسىن سىرتقى ىستەر مينيسترلەرىنىڭ ورىنباسارلارى سەدات ونال مەن حۋسەين دجابەري انساري, ال رەسەي فەدەراتسياسىنىڭ دەلەگاتسياسىن رەسەي پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتەۆ باستادى. سيريا ۇكىمەتىنىڭ دەلەگاتسياسىن وسى ەلدىڭ بۇۇ-داعى وكىلى دجافاري باشار, ال قارۋلى وپپوزيتسيالىق توپتاردىڭ دەلەگاتسياسىنا اقىلداستار كەڭەسى قوزعالىسىنىڭ وكىلى احماد بەرري باسشىلىق ەتتى. بۇلاردان باسقا كەلىسسوز ۇستەلىنە بايقاۋشى رەتىندە اقش پەن يوردانيا جانە بۇۇ وكىلدەرى قاتىستى.
دەلەگاتسيا مۇشەلەرىنىڭ سوڭعى وتىرىسقا شىققاندا قاتتى شارشاعاندارى كورىنىپ تۇردى, وسىدان-اق كەلىسسوزدەردىڭ وتە اۋىر بولعانىن سەزۋگە بولادى. كەپىلگەر مەملەكەتتەر يران, رەسەي جانە تۇركيا دەلەگاتسيالارىنىڭ بىرلەسكەن مالىمدەمەسىن قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ وقىپ, جاريا ەتتى. وندا الدىمەن يسلام يران رەسپۋبليكاسى, رەسەي فەدەراتسياسى جانە تۇركيا رەسپۋبليكاسى سيريا اراب رەسپۋبليكاسىنداعى قارۋلى قاقتىعىستاردى توقتاتۋ رەجىمىن ساقتايتىن كەپىلگەر مەملەكەتتەر رەتىندە بىرلەسكەن مالىمدەمە قابىلداعانى ايتىلدى.
سيريا اراب رەسپۋبليكاسىندا استاناداعى 2017 جىلدىڭ 4 مامىرىندا كەلىسىلگەن مەموراندۋم بويىنشا دەەسكالاتسيا زوناسىن قۇرۋ جونىندەگى شارتتىڭ ىسكە اسقانىن قاناعاتپەن اتاپ وتەدى, دەلىنگەن مالىمدەمەدە. سونىمەن قاتار سيريا اراب رەسپۋبليكاسىنىڭ ەگەمەندىگىنىڭ, اۋماقتىق تۇتاستىعى مەن بىرلىگىنىڭ ساقتالۋىن قولدايتىنىن كەپىلگەر تاراپتار راستايدى. ودان ءارى مالىمدەمەدە: سوعىس قيمىلدارىنا قارسى ارەكەتتەردى قولداپ, قاقتىعىستاردى توقتاتۋ رەجىمىن نىعايتقاننىڭ ارقاسىندا (سونىڭ ىشىندە دەەسكالاتسيا زوناسىن قۇرۋ مەن قاۋىپسىزدىك جولاقتارىن قۇرۋ دا بار) بۇگىنگى تاڭدا سيرياداعى زورلىق پەن قانتوگىستەر دەڭگەيىنىڭ تومەندەۋىن اتاي وتىرىپ:
بىرىنشىدەن, يگيل, «دجابحات ءال-نۋسرا» جانە باسقا دا توپتاردىڭ, كاسىپورىندار مەن ۇيىمداردىڭ تەرروريستىك ارەكەتتەرىنە قارسى كۇرەستەردىڭ پروگرەسكە اياق باسقانىن اتاپ وتەدى. دەەسكالاتسيا زونالارىنىڭ ىسكە اسىرىلۋىنىڭ ناتيجەسىندە وسى اتالعان توپتار مەن ۇيىمدارعا قارسى ارەكەتتەر زونانىڭ ىشىندە دە, سىرتىندا دا جالعاسىن تاباتىن بولادى;
ەكىنشىدەن, سيرياداعى كيكىلجىڭدەر اسكەري جولمەن شەشىلمەي تەك قانا بۇۇ قاۋىپسىزدىك كەڭەسىنىڭ №2254 قارارىنا سايكەس ساياسي پروتسەستەردىڭ بارىسىندا رەتتەلۋى كەرەكتىگىن اتاپ وتەدى. قاقتىعىسقا قاتىسۋشى جاقتاردى «جەردەگى» قولايلى جاعدايلاردى پايدالانىپ, جەنەۆاداعى ساياسي پروتسەستەردى ىلگەرىلەتۋدە بەلسەندىلىك كورسەتۋگە شاقىرادى;
ۇشىنشىدەن, بۇۇ-نىڭ باقىلاۋىمەن جەنەۆا پروتسەسىنىڭ شەڭبەرىندە ۇلتتىق ۇنقاتىسۋ كونگرەسىن قۇرۋ جونىندەگى رەسەي فەدەراتسياسىنىڭ ۇسىنىسىن تالقىلاۋعا كەلىسەدى; (بۇل تۋرالى رەسەي تارابى بارلىق كەپىلگەر ەلدەردى قۇلاقتاندىرعان);
تورتىنشىدەن, كيكىلجىڭگە قاتىسۋشى تاراپتار ءبىر-بىرىنە دەگەن سەنىمدى نىعايتۋ قاجەتتىگىن اتاپ وتەدى. سونىڭ ىشىندە ۇستالعاندار مەن كەپىلگە الىنعانداردى قايتارۋ, ولگەندەردىڭ ءمايىتىن بەرۋ جانە حابارسىز جوعالعانداردى تابۋ جۇمىستارى ساياسي پروتسەستەر مەن اتىستى توقتاتۋعا جاقسى جاعداي قالىپتاستىرادى;
بەسىنشىدەن, سيرياعا حالىقارالىق قايىرىمدىلىق كومەكتەردىڭ ودان ءارى جەتكىزىلۋ قاجەتتىلىگىن اتايدى, ولاردىڭ مۇقتاج جاندارعا ەشقانداي كەدەرگىسىز, جىلدام بارۋىنىڭ قامتاماسىز ەتىلۋىن اتاپ وتەدى جانە وسىعان بايلانىستى مەموراندۋمنىڭ تالاپتارىن ەسكە سالادى;
التىنشىدان, استانا پروتسەسىنىڭ شەڭبەرىندە 2017 جىلدىڭ 4 مامىرىندا قابىلدانعان مەموراندۋمنىڭ شارتتارىن ورىنداۋ جۇمىستارىن ودان ءارى جالعاستىرۋ نيەتى بار ەكەندەرىن راستايدى;
جەتىنشىدەن, جوعارى مارتەبەلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا جانە قازاقستان بيلىگىنە استانادا 7-ءشى حالىقارالىق كەزدەسۋدى جوعارى دەڭگەيدە ۇيىمداستىرعانى ءۇشىن العىستارىن بىلدىرەدى;
سەگىزىنشىدەن, سيريا بويىنشا كەلەسى جوعارى دەڭگەيدەگى كەزدەسۋدى استانا قالاسىندا 2017 جىلدىڭ جەلتوقسان ايىنىڭ ەكىنشى جارتىسىندا وتكىزۋگە شەشىم قابىلدادى.
سىرتقى ىستەر ءمينيسترى قايرات ءابدىراحمانوۆ وسى بىرلەسكەن مالىمدەمەنى جاريا ەتكەن سوڭ قازاقستاننىڭ سيرياداعى كيكىلجىڭدى بەيبىت جولمەن شەشۋگە بۇدان ءارى دە قولۇشىن بەرەتىنىن اتاپ ءوتتى. قازاقستان بارلىق ەلدەرمەن دە جاقسى قارىم-قاتىناس جاساۋعا دايىن, دەپ مينيستر ءوزىنىڭ ءسوزىن قورىتتى.
وسىدان كەيىن سيريا اراب رەسپۋبليكاسىنىڭ, سيرياداعى قارۋلى وپپوزيتسيالىق كۇشتەردىڭ جانە رەسەي فەدەراتسياسىنىڭ وكىلدەرى جۋرناليستەرمەن ءباسپاسوز ءماسليحاتىن وتكىزىپ, ولاردىڭ كوپتەگەن سۇراقتارىنا جاۋاپ بەردى.
