اۋىلدىق ەلدى مەكەندەردە ادام ءومiرi مەن دەنساۋلىعى ءۇشiن قولايلى ورتانى قالىپتاستىرۋ ماقساتىندا ماڭعىستاۋ وبلىسى اكىمدىگىنىڭ قولداۋىمەن وتكىزىلگەن بۇل كونكۋرسقا تۇرعىلىقتى حالىق سانى 3,0 مىڭنان اساتىن جانە 3,0 مىڭنان از اۋىلدار قاتىستى. اۋدان ىشىنەن ۇزدىك دەپ تانىلعان اۋىلدار وبلىستىق بايقاۋعا ۇسىنىلدى, دەپ حابارلادى egemen.kz تىلشىسىنە ماڭعىستاۋ وبلىسىنىڭ وڭىرلىك كوممۋنيكاتسيالار قىزمەتى.
ءار اۋىلدا تۇرعىندارعا قولايلى جاعداي جاساۋ ءۇشىن جاسىل ارحيتەكتۋرا جوسپارى جاسالىپ, كوگالداندىرۋ, اباتتاندىرۋ جۇمىستارى جوسپارلى تۇردە جۇرگىزىلۋدە. مىسالى, وڭىردەگى سۋ تاپشىلىعىنا قاراماستان تاۋشىق اۋىلىندا اۋماعى 3,2 گا ورتالىق ساياباققا 900 ءتۇپ اعاش وتىرعىزىپ, باپتاپ كەلەدى. سونداي-اق, كوشە بويىنا 672 ەلەكتر شامى ورناتىلىپ, تولىق جارىقتاندىرىلعان.
ارنايى جاساقتالعان جۇمىس توبى بايقاۋعا ۇسىنىلعان 8 اۋىلدى ارالاپ, ولاردىڭ ەرەكشەلىكتەرى بويىنشا انىقتاما ازىرلەدى. «ۇلگىلى اۋىل» وبلىستىق بايقاۋىندا تۇرعىلىقتى حالىق سانى 3,0 مىڭنان اساتىن اۋىلدار اراسىنداعى بايقاۋ قورىتىندىسى بويىنشا I ورىن تۇپقاراعان اۋدانىنىڭ تاۋشىق اۋىلىنا 10,0 ملن. تەڭگە سىياقى, II ورىن قاراقيا اۋدانىنىڭ جەتىباي اۋىلىنا 7,5 ملن. تەڭگە سىياقى, III ورىن بەينەۋ اۋدانىنىڭ بورانقۇل اۋىلىنا 5,0 ملن. تەڭگە سىياقى, ىنتالاندىرۋ سىيلىعى – مۇنايلى اۋدانىنىڭ داۋلەت اۋىلىنا 2,0 ملن. تەڭگە سىياقى بەرىلدى. تۇرعىلىقتى حالىق سانى 3,0 مىڭنان از اۋىلدار اراسىنداعى بايقاۋ قورىتىندىسى بويىنشا, I ورىن ماڭعىستاۋ اۋدانىنىڭ ۇشتاعان اۋىلىنا 10,0 ملن. تەڭگە سىياقى, II ورىن قاراقيا اۋدانىنىڭ سەنەك اۋىلىنا 7,5 ملن. تەڭگە سىياقى, III ورىن بەينەۋ اۋدانىنىڭ سارعا اۋىلىنا 5,0 ملن. تەڭگە سىياقى, ىنتالاندىرۋ سىيلىعى تۇپقاراعان اۋدانىنىڭ قىزىلوزەن اۋىلىنا 2,0 ملن. تەڭگە سىياقى تابىستالدى.
بايقاۋ شارتىنا سايكەس جەڭىمپاز اتانعان اۋىلدار سىياقىنىڭ 80%-ىن كوگالداندىرۋ, اباتتاندىرۋ جۇمىستارىنا جۇمساۋى ءتيىس. ال 20 %-ىنان اسپايتىن مولشەردە اۋىل نىساندارىن كوگالداندىرۋ, اباتتاندىرۋ جانە سانيتارلىق تازالاۋ جۇمىستارىنا ۇلەس قوسقان زاڭدى جانە جەكە تۇلعالاردى ماراپاتتاۋعا ۇسىنىلدى. اتالمىش بايقاۋ جىل سايىن ءداستۇرلى تۇردە وتكىزىلەتىن بولادى.
گۇلايىم شىنتەمىرقىزى,
«ەگەمەن قازاقستان»
