كورپوراتسيا الدىن الا تاپسىرىستى 27 قازاندا قابىلداعان بولاتىن. ال كورشىلەس رەسەيدەگى تەلەفوندار سول كۇنى بىرنەشە مينۋت ىشىندە ساتىلىپ كەتتى. تەحنولوگيا تاقىرىبىندا ءجيى جازاتىن سۋلتان سۋلەيمانوۆ ەسىمدى ءتىلشى سۋ جاڭا قۇرىلعىنى ءبىر كۇن قولدانىپ, ءوز اسەرىمەن ءبولىستى
تەلەفوننىڭ «كەكىلى» قيىندىق تۋعىزبادى
قۇراستىرۋشىلار تەلەفوننىڭ ۇستىڭگى بولىگىنە ءفرونتالدى كامەرا مەن سەنسورلارىن ورنالاستىردى. سول سەبەپتى تەلەفوننىڭ «كەكىلى» بار سەكىلدى كورىنەدى. بۇرىن ايفوننىڭ ەكراندارى تىك بۇرىشتى بولعان, ال جاڭا ديزاينەرلىك شەشىم قانشالىقتى ىڭعايلى بولاتىنى ازىرگە بەلگىسىز.
الايدا ءجۋرناليستىڭ ايتۋىنشا ءىس جۇزىندە بۇل ەشقانداي قيىندىق تۋدىرمايدى, ءارى كوزگە تاڭسىق كورىنبەيدى.
«ۇيگە» اپاراتىن باتىرمانىڭ جوقتىعىنا تەز ۇيرەنەسىز
Apple «ۇيگە» اپاراتىن دوڭگەلەك باتىرماسىنان باس تارتتى. ەندى ونىڭ ورنىنا ەكران جالعاسىپ جاتىر. گادجەتتى قولعا العان كەزدە ەكران وزدىگىنەن قوسىلاتىنىن ەسكەرسەك, بۇل باتىرمانىڭ قاجەتتىگىن بايقامايسىز.
تاعى ءبىر ايتا كەتەتىن جايت, ەندىگى كەزەكتە باتىرمانىڭ اتقاراتىن قىزمەتىن ساۋساق قيمىلدارى ارقىلى ورىنداۋعا بولادى. مىسالى, ساۋساعىڭىزدى ەكرانعا تيگىزىپ تومەننەن جوعارى قاراي قوزعالتساڭىز, تەلەفوننىڭ قوسىمشالارى بەينەلەنگەن ەكرانى اشىلادى. ال ساۋساعىڭىزدى جارتى جولدا توقتاتساڭىز سوڭعى اشىلعان قوسىمشالاردىڭ ءتىزىمى شىعادى. قوسىمشالاردى جابۋ ءۇشىن ۇيرەنشىكتى «تومەننەن جوعارى قاراي» قوزعالتۋ ءادىسىن قولدانساڭىز بولعانى. بۇرىن ءدال وسى ادىسپەن بۇكىل ەكرانعا اشىلىپ تۇرعان سۋرەتتەردى جاباتىن ەدىك.
FaceID
Home باتىرماسىمەن بىرگە ايفون ساۋساق ءىزىن سكانەرلەيتىن سەنسورسىز قالدى. بىراق ونىڭ ورنىنا FaceID كەلدى. ول بەت-الپەتتى تانۋ ارقىلى تەلەفوندى بلوكتان شىعاراتىن جاڭا فۋنكتسيا. سۋلتان سۋلەيمانوۆ بۇل قۇرىلعىنىڭ جۇمىسىن ءتۇرلى سىناقتان وتكىزگەن: كوزىنە كيگەن كوزىلدىرىگى مەن باسىنا كيگەن باس كيىمى FaceID قىزمەتىنە نۇقسان كەلتىرگەن جوق.
ءتىلشىنىڭ ايتۋىنشا, بۇل فۋنكتسيا تەلەفوندى قولعا الماي بلوكتان شىعارۋ كەرەك كەزدە عانا ىڭعايسىز بولۋى مۇمكىن. TouchID بار كەزدە ساۋساقتىڭ ۇشىن ءبىر تيگىزىپ قوسىلاتىن تەلەفوندى ەندى تەك ەكران بەتىنە ءۇڭىلىپ, نەمەسە قۇپيا ءسوز تەرۋ ارقىلى عانا اشۋعا بولادى.
كورپۋس: قاپتاما كيۋ ءۇشىن تىم ادەمى
ءارى قاپتاماسىز ۇستاۋ ءۇشىن دە تىم ادەمى
iPhone X ونىڭ الدىنداعى Apple سمارتفوندارىنا قاراعاندا ەرەكشە كورىنەدى. ونىڭ ەكرانى راماسىز, اينالاسى بولاتپەن ال ارتقى پانەلى شىنىدان جاسالعان.
قاپتاما كيگىزگەندە تەلەفوننىڭ اسەم ديزاينى كورىنبەي قالادى. بىراق ساقتىق ءۇشىن قاپتامانى كيگىزگەن ءجون. سەبەبى, سىنىپ قالعان ەكراندى جوندەۋ قىمباتقا تۇسەدى.
ولشەمى: 8 Plus قولدا ۇستاۋعا ىڭعايسىز دەيتىندەرگە كەرەمەت
iPhone X ولشەمى بويىنشا iPhone 7/8 قۇرىلعىسىنان ۇلكەن, ال 7 Plus/8 Plus-تەن كىشىرەك. iPhone X ەكرانى 8 Plus ەكرانىمەن بىردەي, بىراق قولدا ۇستاۋعا الدەقايدا ىڭعايلى.
Animoji
ەمودزي ارقىلى سويلەسۋ وتە كۇلكىلى دەيدى سۋلتان سۋلەيمانوۆ.
ايگۇل شەرنياز,
«ەگەمەن قازاقستان»
