الەمدىك تەننيس قاۋىمداستىعىنىڭ WTA ايەلدەر جۇيەسىندە 66-ورىندا تۇرعان وتانداسىمىز زارينا دياس وتكىزگەن شەبەرلىك ساباعىنا 4-16 جاس ارالىعىنداعى 100-دەن اسا جاس تەننيسشى قاتىستى. كەزدەسۋ بارىسىندا ءار قاتىسۋشىعا بەلگىلى سپورتشىمەن تەننيس ويناۋعا مۇمكىندىك تۋدى.
«ارماندارى بيىك ورەندەرمەن تەننيس ويناۋ مەن ءۇشىن وتە اسەرلى بولدى. ولاردىڭ بويلارىنان اتالعان سپورت تۇرىنە دەگەن ەرەكشە قۇشتارلىقتى كورىپ قاتتى قۋاندىم. بۇگىنگى شەبەرلىك ساباعىنا كەلگەن بالعىن سپورتشىلاردىڭ كوپتىگى, ەلىمىزدە وسىناۋ عالامات سپورتقا دەگەن قىزىعۋشىلىقتىڭ كۇن ساناپ ارتىپ كەلە جاتقانىن اڭعارتادى. جارىستار كەستەسىنىڭ تىعىزدىعىنا بايلانىستى تۋعان قالام الماتىعا ءجيى كەلە بەرمەيمىن. الايدا, ءار كەلگەن سايىن شابىت الىپ كەتەمىن. جاستاردىڭ جىگەرىنە قاراپ قازاق تەننيسىنىڭ بولاشاق جۇلدىزدارى ءوسىپ كەلە جاتقانىنا كوزىم جەتتى», – دەيدى زارينا دياس.
